കരുനാഗപ്പള്ളി: കലാ -കായിക മേഖലകളിലൂടെ ഗുരുദേവ ദർശനങ്ങൾ ജനഹൃദയങ്ങളിൽ എത്തിക്കാൻ ശ്രമിക്കണമെന്ന് എസ്.എൻ.ട്രസ്റ്റ് ഡയറക്ടർ ബോർഡ് മെമ്പർ പ്രീതി നടേശൻ ആവശ്യപ്പെട്ടു. കേന്ദ്ര വനിതാ സംഘത്തിന്റെ നേതൃത്വത്തിൽ എസ്.എൻ.ഡി.പി യോഗം കരുനാഗപ്പള്ളി യൂണിയൻ ഓഡിറ്റോറിയത്തിൽ സംഘടിപ്പിച്ച മേഖലാ കലോത്സവത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു പ്രീതി നടേശൻ. സ്ത്രീകളിലും കുഞ്ഞുങ്ങളിലുമുള്ള കലാവാസനകൾ പരിപോഷിപ്പിക്കുക എന്ന ലക്ഷ്യത്തോടെയാണ് എസ്.എൻ.ഡി.പി യോഗം കലാ, കായിക സമ്മേളനങ്ങൾ സംഘടിപ്പിക്കുന്നത്. ഇതിലൂടെ ഗുരുദേവ ദർശനങ്ങളും കൃതികളും ആളുകളിലേക്ക് എത്തിക്കാൻ കഴിയുമെന്ന് പ്രീതി നടേശൻ പറഞ്ഞു. സമ്മേളനത്തിൽ കേന്ദ്ര വനിതാ സംഘം പ്രസിഡന്റ് പി.കെ.കൃഷ്ണകുമാരി അദ്ധ്യക്ഷത വഹിച്ചു. കരുനാഗപ്പള്ളി യൂണിയൻ സെക്രട്ടറി എ.സോമരാജൻ, പ്രസിഡന്റ് കെ.സുശീലൻ എന്നിവർ മുഖ്യപ്രഭാഷണം നടത്തി. കേന്ദ്ര വനിതാ സംഘം വൈസ് പ്രസിഡന്റ് ഇ.എസ്.ഷീബ സംഘടനാ സന്ദേശം നൽകി. പത്തനംതിട്ട യൂണിയൻ പ്രസിഡന്റ് കെ.പത്മകുമാർ, സെക്രട്ടറി കെ.അജിത് കുമാർ, പന്തളം യൂണിയൻ പ്രസിഡന്റ് അഡ്വ.സിനിൽ മുണ്ടപ്പള്ളിൽ, കോഴഞ്ചേരി യൂണിയൻ പ്രസിഡന്റ് മോഹൻ ബാബു, കടയ്ക്കൽ യൂണിയൻ പ്രസിഡന്റ് ചന്ദ്രബോസ്, കരുനാഗപ്പള്ളി യൂണിയൻ വൈസ് വൈസ് പ്രസിഡന്റ് എസ്.ശോഭനൻ, കേന്ദ്ര വനിതാ സംഘം ട്രഷറർ ഗീത മധു, വനിതാ സംഘം പത്തനംതിട്ട കോ - ഓർഡിനേറ്റർ സരള പുരുഷോത്തമൻ, വനിതാ സംഘം കരുനാഗപ്പള്ളി യൂണിയൻ പ്രസിഡന്റ് അംബികാദേവി, സെക്രട്ടറി മധുകുമാരി എന്നിവർ പ്രസംഗിച്ചു. മത്സര വിജയികൾക്കുള്ള സമ്മാനങ്ങൾ പ്രീതി നടേശൻ വിതരണം ചെയ്തു. . കേന്ദ്ര വനിതാ സംഘം സെക്രട്ടറി സംഗീത വിശ്വനാഥൻ സ്വാഗതവും യോഗം അസിസ്റ്റന്റ് സെക്രട്ടറി വനജ വിദ്യാധരൻ നന്ദിയും പറഞ്ഞു.