അഞ്ചൽ: കേരളാ വ്യാപാരി വ്യവസായി അഞ്ചൽ യൂണിറ്റ് വാർഷികവും വ്യാപാര ഭവൻ ഉദ്ഘാടനവും ജില്ലാ പ്രസിഡന്റ് എസ്. ദേവരാജൻ നിർവഹിച്ചു. യൂണിറ്റ് ജനറൽ സെക്രട്ടറി വി.എം. തോമസ് ശംകരത്തിൽ അദ്ധ്യക്ഷനായി. ജില്ലാ ജനറൽ സെക്രട്ടറി ജി. ഗോപകുമാർ മറ്റ് ഭാരവാഹികളായ എസ്. കബീർ, എസ്. നൗഷാറുദ്ദീൻ, എസ്. രാജീവ്, ജോജോ എബ്രഹാം, എ.കെ. ഷാജഹാൻ, എം. രമേശ് കുമാർ, രാജൻ കുറുപ്പ്, ബി. പ്രേമാനന്ദ്, നേതാജി ബി. രാജേന്ദ്രൻ, മേഖലാ സെക്രട്ടറി കോടിയാട്ട് പ്രസാദ്, യൂണിറ്റ് ഭാരവാഹികളായ എസ്. സുശീലൻ നായർ, കെ. സുരേഷ് ബാബു, വി.ഒ. ഇന്ദുലാൽ, സുശീലൻ നായ‌ർ തുടങ്ങിയവർ സംസാരിച്ചു. യൂണിറ്റ് ഭാരവാഹികളായി എസ്. ദേവരാജൻ (പ്രസിഡന്റ്) ,വി.എം. തോമസ് ശംകരത്തിൽ (ജനറൽ സെക്രട്ടറി) ,എസ്. ഫസലുദ്ദീൻ അൽ അമാൻ (ട്രഷറർ) എന്നിവരെ തിരഞ്ഞെടുത്തു. യൂണിറ്റ് വൈസ് പ്രസിഡന്റ് ബി. രാധാകൃഷ്ണൻ സ്വാഗതവും വ‌‌ർക്കിംഗ് പ്രസിഡന്റ് പി. പ്രതാപൻ നന്ദിയും പറ‌ഞ്ഞു.