കൊല്ലം: കല്ലുപാലം ലക്ഷ്മിനട റോഡരി​കി​ലെ വ്യാപാര സ്ഥാപനങ്ങൾക്കു മുന്നി​ൽ രാത്രികാലങ്ങളിൽ മാലിന്യ നിക്ഷേപം പതി​വായതോടെ വ്യാപാരി​കൾ ദുരി​തത്തി​ലായി​. ചാക്കിൽ കെട്ടിയും ചെറിയ പ്ലാസ്റ്റിക് കവറുകളിലുമാണ് മാലിന്യം തള്ളുന്നത്.

രാവി​ലെ കട തുറക്കാൻ എത്തുമ്പോൾ കക്കൂസ് മാലിന്യം ഉൾപ്പടെയുള്ളവ നീക്കം ചെയ്യേണ്ട ഗതികേടിലാണ് വ്യാപാരികൾ. കോർപ്പറേഷനിൽ പരാതി നൽകി 3 ആഴ്ച കഴിഞ്ഞിട്ടും നടപടി ഒന്നുമുണ്ടായി​ല്ല. ലക്ഷ്മിനടയിൽ രാവിലെ 8 മുതൽ രാത്രി 10 വരെ വ്യാപാര സ്ഥാപനങ്ങൾ പ്രവർത്തിക്കുന്നുണ്ട്. വാഹനങ്ങളി​ലെത്തി​യാണ് മാലിന്യം തള്ളുന്നതെന്ന് വ്യാപാരികൾ പറയുന്നു. കടകളിലും സമീപത്തെ വീടുകളി​ലും സി.സി.ടി.വി കാമറകൾ ഇല്ലാത്തതിനാൽ മാലിന്യം തള്ളുന്നവരെ കണ്ടെത്താൻ കഴി​യുന്നി​ല്ല. ഭക്ഷ്യ വസ്തുക്കളും ചീഞ്ഞ പഴങ്ങളും ഉൾപ്പെടെയുള്ള മാലിന്യങ്ങൾ മഴയി​ൽ ചീഞ്ഞളി​ഞ്ഞ് ദുർഗന്ധം വമി​ക്കുന്നുണ്ട്.