കൊല്ലം: ലയൺസ് ക്ലബ്ബ് ഇന്റർനാഷണലിന്റെ വനിതാ വിഭാഗം സംഘടി​പ്പി​ക്കുന്ന 'തണലേകിയവർക്ക് തണലേകാം' തുടർ പദ്ധതിയുടെ ഈ വർഷത്തെ പ്രവർത്തനങ്ങൾ കൊല്ലം ഇഞ്ചവിള ഗവ. ഓൾഡേജ് ഹോമിലെ അന്തേവാസികളായ അമ്മമാർക്ക് അഞ്ച് കട്ടിലുകൾ കൈമാറി ഡോ. വി​. സുജിത്ത് വി​ജയൻപി​ള്ള നിർവഹിച്ചു. പാസ്റ്റ് ലയനസ് ബോർഡ് പ്രസിഡന്റ് ലയൺ പുഷ്പ തമ്പി അദ്ധ്യക്ഷത വഹിച്ചു. കൗൺസിൽ ഒഫ് ലയൺ ലേഡീസ് പ്രസിഡന്റ് ലയൺ രാധാമണി ഗുരുദാസ്, ബ്ലോക്ക് സ്റ്റാൻഡിംഗ് കമ്മിറ്റി ചെയർമാൻ എം.അനിൽകുമാർ, ബ്ലോക്ക് മെമ്പർ ഷഹീന എന്നിവർ സംസാരി​ച്ചു. ഓൾഡേജ് ഹോം സൂപ്രണ്ട് എൽ.കെ. ഷൈനി നന്ദി പറഞ്ഞു.

ലയൺസ് ക്ലബ് ഇന്റർനാഷണൽ ഡിസ്ട്രിക്ട് 318എ യുടെ വനിതാവിഭാഗം 2017ൽ അന്നത്തെ പ്രസിഡന്റ് ലയൺ പുഷ്പ തമ്പി യുടെ നേതൃത്വത്തിൽ നടപ്പാക്കിയ തുടർ പദ്ധതിയാണിത്. മക്കളാലും ബന്ധുക്കളാലും ഉപേക്ഷി​ക്കപ്പെട്ട് വിവിധ വൃദ്ധസദനങ്ങളിൽ കഴിയുന്ന അമ്മമാരെ സന്ദർശിച്ച് അവർക്കു സഹായമെത്തിക്കുന്നതായിരുന്നു പദ്ധതി. ഇളം തലമുറി​യി​ലെ അച്ഛനമ്മമാരെയും കുട്ടി​കളെയും ഈ വി​ഷത്തെപ്പറ്റി​ ബോധവത്കരി​ക്കുന്നതും പദ്ധതി​യുടെ ഭാഗമായി​രുന്നു.

വനിതാ അംഗങ്ങൾ സമാഹരിച്ച 2.50 ലക്ഷം രൂപയുടെ സ്ഥിരനിക്ഷേപത്തിൽ നിന്നുള്ള വാർഷിക ആദായമാണ് സഹായ സമാഹരണത്തിന് വിനിയോഗിക്കുന്നത്.