പത്തനാപുരം : എസ്. എൻ. ഡി. പി യോഗം പത്തനാപുരം യൂണിയന്റെ നേതൃത്വത്തിൽ പിടവൂർ മേഖല സമ്മേളനം പിടവൂർ പടിഞ്ഞാറ് ശാഖ ഹാളിൽ നടന്നു. യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷനായി. യോഗം യൂത്ത്മൂവ്മെന്റ് കേന്ദ്രസമിതി ജോയിന്റ് സെക്രട്ടറി സജീഷ് കോട്ടയം ഉദ്ഘാടനം ചെയ്തു. യോഗം ഡയറക്ടർ ബോർഡ്‌ അംഗം പിറവന്തൂർ ഗോപാലകൃഷ്ണൻ സ്വാഗതവും യൂണിയൻ കൗൺസിലർ പി. ലെജു നന്ദിയും പറഞ്ഞു.
യൂണിയൻ സെക്രട്ടറി ബി. ബിജു, യൂണിയൻ കൗൺസിലർ റിജു. വി. ആമ്പാടി, യൂണിയൻ പഞ്ചായത്ത്‌ കമ്മിറ്റി അംഗം എസ്. ചിത്രാംഗദൻ, വനിതാസംഘം പ്രസിഡന്റ് സുലത പ്രകാശ്, വനിതാസംഘം യൂണിയൻ കൗൺസിലർമാരായ എ. സി.ലാലി , നിജ യൂത്ത്മൂവ്മെന്റ് യൂണിയൻ സെക്രട്ടറി ബിനു സുരേന്ദ്രൻ എന്നിവർ പങ്കെടുത്തു.