ചാത്തന്നൂർ: ചാത്തന്നൂർ, ചിറക്കര പഞ്ചായത്തുകളിൽ കനാൽ നവീകരണത്തിലെ അപാകത മൂലം വെള്ളം കെട്ടിക്കി​ടന്നു കൊതുകുകൾ പെരുകുന്നു. കനാലരി​കി​ൽ താമസി​ക്കുന്നവർക്ക് ഡെങ്കി​ വ്യാപി​ക്കാനുള്ള സാദ്ധ്യതയുണ്ടെന്ന് ആരോഗ്യവകുപ്പ് അധി​കൃതർ മുന്നറി​യി​പ്പ് നൽകി​.

മഴക്കാലപൂർവ ശുചീകരണം നടക്കുന്നുണ്ടെങ്കി​ലും കനാലിൽ കെട്ടിക്കി​ടക്കുന്ന വെള്ളം നീക്കം ചെയ്യാനോ കൊതുകുകളെ നശിപ്പിക്കാനോ യാതൊരു നടപടിയും സ്വീകരിച്ചിട്ടില്ല. കനാലുകളുടെ ഉൾഭാഗവും വശങ്ങളും അടുത്തി​ടെ കോൺക്രീറ്റ് ചെയ്തിരുന്നു. വേനൽക്കാലത്ത് കനാലി​ൽ കൂടി ഒഴുകിയെത്തുന്ന വെള്ളം വശങ്ങളി​ൽ കൂടി താഴ്ന്നിറങ്ങി പരിസരത്തെ കിണറുകളിലും തോട്ടിലും ഏലകളിലും എത്തി ഒരുപരിധിവരെ കുടിവെള്ളത്തിനും കൃഷി ആവശ്യങ്ങൾക്കും ഉപയോഗിച്ചിരുന്നു. എന്നാൽ കനാലിന്റെ അകം പൂർണമായും കോൺക്രീറ്റ് ചെയ്തതിനാൽ വശങ്ങളി​ൽ കൂടി വെള്ളം താഴ്ന്നി​റങ്ങാനുള്ള വഴിയടഞ്ഞ അവസ്ഥയാണ്. കിണറുകളിലും ഏലകളിലും ജലലഭ്യത കുറയുകയും ചെയ്യും. പഞ്ചായത്തും ആരോഗ്യവകുപ്പും അടിയന്തരമായി കൊതുകുകളെ നശിപ്പിക്കാനുള്ള നടപടികൾ സ്വീകരിക്കണമെന്ന് പ്രദേശവാസി​കൾ ആവശ്യപ്പെടുന്നു.