ശാസ്താംകോട്ട : തുളശ്ശേരി മണപ്പുറത്ത് തറവാട് സ്മാരക ചാരിറ്റബിൾ സൊസൈറ്റിയുടെ നേതൃത്വത്തിൽ മദ്ധ്യ ഏഷ്യൻ സിറിയൻ കുടിയേറ്റത്തിന്റെ 1200-ാം വാർഷിക ആഘോഷം കല്ലട സെന്റ് മേരീസ് ഓർത്തഡോക്സ് പള്ളി ഓഡിറ്ററിയത്തിൽ നടന്നു. ഗോവ ഗവർണർ അഡ്വ. പി.എസ്‌. ശ്രീധരൻ പിള്ള ഓൺലൈനായി സമ്മേളനം ഉദ്ഘാടനം ചെയ്തു. മുൻ ഇന്ത്യൻ അബാസിഡർ ടി. പി.ശ്രീനിവാസൻ മുഖ്യപ്രഭാഷണം നടത്തി. തോമസ് സാമുവൽ തിരുമേനി അദ്ധ്യക്ഷനായി. പ്രൊഫ.ബാബു സ്കറിയ സ്വാഗതം പറഞ്ഞു. സാംസ്‌കാരിക സമ്മേളനം ബസ്സേലിയോസ്‌ മാർത്തോമ മാത്യൂസ് തൃതീയൻ കത്തോലിക്ക ബാവ ഉദ്ഘാടനം ചെയ്തു. ഡോ.യുഹന്നോൻ മാർ ക്രിസോസ്റ്റം അനുഗ്രഹ പ്രഭാക്ഷണം നടത്തി . ഗീവർഗീസ് അസീസ് ചരിത്ര പ്രഭാഷണം നടത്തി. പ്രസിഡന്റ്‌ ജോൺ ഡാനിയൽ, സെക്രട്ടറി ജേക്കബ് മാത്യു, റവ.ഫാ.ടി തോമസ്കുട്ടി നല്ലില, പടി. കല്ലട ഗ്രാമ പഞ്ചായത്ത് പ്രസിഡന്റ് ഡോ.സി. ഉണ്ണികൃഷ്ണൻ, ജി. സൂര്യനാരായണ ഭട്ടതിരി, ഇമാം ഷാഹുൽ ഹമീദ് ഫൈസി, അഡ്വ.കെ.ജി.ജോസഫ്, പ്രൊ.കെ.ഒ.പൗലോസ്, ഡോ.മനു ഉമ്മൻ, ഡോ.ജെ.ജോൺസൺ, സണ്ണി പുഞ്ചമണ്ണിൽ, ജേക്കബ് മാത്യു എന്നിവർ സംസാരിച്ചു.