പാരിപ്പള്ളി: മുക്കട നന്മ റസിഡൻസ് അസോ. നേതൃത്വത്തിൽ എഴിപ്പുറം ചാവർകോട് വാർഡുകളുടെ പരിധിയിൽ വരുന്ന റോഡ് സഞ്ചാരയോഗ്യമാക്കി. പൊട്ടിപ്പൊളിഞ്ഞ റോഡ് നന്നാക്കണമെന്ന് ആവശ്യപ്പെട്ട് പഞ്ചായത്ത് അധികൃതർക്ക് പലതവണ നിവേദനം നൽകിയിട്ടും നടപടി ഉണ്ടാകാത്തതിനെ തുടർന്നാണ് റസി​. അസോ. പ്രവർത്തകർ റോഡ് കോൺക്രീറ്റ് ചെയ്ത് സഞ്ചാരയോഗ്യമാക്കിയത്. നന്മ പ്രസിഡന്റ് എം. ബദറുദ്ദീൻ സെക്രട്ടറി ജി.ആർ. രതീഷ്, കൺവീനർ നളിനകുമാർ, ജോയിന്റ് സെക്രട്ടറി മനു രാജ്, വൈസ് പ്രസിഡന്റ് സുനിൽകുമാർ, ട്രഷറർ വിശാഖ് എം.കുറുപ്പ്, എക്സിക്യുട്ടി​വ് മെമ്പർമാരായ സി.എസ്. പ്രദീപ്, സജീവ്, അനിൽകുമാർ, വിനോദനാഥ കുറുപ്പ്, ശ്രീകുമാർ എന്നിവർ നേതൃത്വം നൽകി.