പുതുക്കാട്: കുറുമാലിക്കാവ് ഭഗവതി ക്ഷേത്രത്തിലെ പ്രതിഷ്ഠാദിനവും പൊങ്കാല സമർപ്പണവും നാളെ നടക്കും. രാവിലെ 5.30 ന് മഹാഗണപതി ഹോമം, തുടർന്ന് പ്രതിഷ്ഠാദിന ചടങ്ങുകൾ, 8.30ന് പൊങ്കാല സമർപ്പണം, 9.30 ന് ശീവേലി എഴുന്നള്ളിപ്പ്, 10.30 ന് പ്രസാദ ഊട്ട് എന്നിവയാണ് ചടങ്ങുകൾ. ക്ഷേത്രത്തിന്റെ പടിഞ്ഞാറെനട ടൈൽ പാകുന്ന പ്രവൃത്തിയുടെ നിർമ്മാണ ഉദ്ഘാടനവും നാളെ നടക്കും. പുനരുദ്ധാരണ കമ്മിറ്റി ചെയർമാൻ പി.കെ. സെൽവരാജ്, കൺവീനർ കെ.എസ്. ബിജു, ട്രഷറർ കെ.എസ്. നന്ദകുമാർ , ദേവസ്വം ഓഫീസർ ഇ.വി. അമൽ കൃഷ്ണ എന്നിവർ നേതൃത്വം നൽകും.