തിരുവനന്തപുരം: തിരുവനന്തപുരം,​ കൊല്ലം ജില്ലകളുൾപ്പെട്ട എൽ.ഐ.സി തിരുവനന്തപുരം ഡിവിഷന്റെ സീനിയർ ഡിവിഷണൽ മാനേജരായി എസ്.​പ്രേംകുമാർ ചുമതലയേറ്റു. ചിറയിൻകീഴ് സ്വദേശിയായ പ്രേംകുമാർ,​ നിലവിൽ എൽ.ഐ.സിയുടെ മാർക്കറ്റിംഗ് മാനേജരാണ്. എൽ.ഐ.സിയുടെ വിവിധ ഡിവിഷനുകളിലും ഗൾഫ് രാജ്യങ്ങളിലെ എൽ.ഐ.സി ഇന്റർനാഷണൽ ഓഫീസുകളിലും സേവനം അനുഷ്ഠിച്ചിട്ടുണ്ട്. ആറ്റിങ്ങൽ ബ്രാഞ്ച് ചീഫ് മാനേജർ സി.വി.ഹരിപ്രസാദാണ് തിരുവനന്തപുരം ഡിവിഷന്റെ പുതിയ മാർക്കറ്റിംഗ് മാനേജർ.