തിരുവനന്തപുരം:പബ്ലിക്‌ഹെൽത്ത് നഴ്സുമാരുടെ പ്രൊമോഷൻ ഉത്തരവ് അകാരണമായി മരവിപ്പിച്ച ആരോഗ്യവകുപ്പ് ഡയറക്ടറുടെ നടപടി പിൻവലിച്ച് സമരം ഒത്തുതീർപ്പാക്കാൻ സർക്കാർ ഇടപെടണമെന്ന് വി.ശശി എം.എൽ.എ ആവശ്യപ്പെട്ടു. വിവിധ ആവശ്യങ്ങളുന്നയിച്ച്‌കേരള ഗവൺമെന്റ് ജൂനിയർ പബ്ലിക് ഹെൽത്ത് നഴ്സസ് ആന്റ് സൂപ്പർവൈസേഴ്സ് യൂണിയൻ ആരോഗ്യവകുപ്പ് ഡയറക്ടറേറ്റിനു മുന്നിൽ ആരംഭിച്ച അനിശ്ചിതകാല രാപ്പകൽ സമരം ഉദ്ഘാടനം ചെയ്യുകയായിരുന്നു അദ്ദേഹം.ജെ.പി.എച്ച്.എൻ.യൂ സംസ്ഥാന പ്രസിഡന്റ് ജയശ്രീ.പി.കെ അദ്ധ്യക്ഷത വഹിച്ചു.ജോയിന്റ് കൗൺസിൽ ജനറൽ സെക്രട്ടറി ജയശ്ചന്ദ്രൻ കല്ലിംഗൽ, സംസ്ഥാന സെക്രട്ടറി എസ്.സജീവ് ,നോർത്ത് ജില്ലാ സെക്രട്ടറി കെ.സുരകുമാർ,കേരള ഗവൺമെന്റ് ജൂനിയർ പബ്ലിക് ഹെൽത്ത് നഴ്സസ് ആൻഡ് സൂപ്പർവൈസേഴ്സ് യൂണിയൻ ജനറൽ സെക്രട്ടറി രേണുകുമാരി.എസ്,ഹെൽത്ത് ഇൻസ്‌പെക്‌ടേഴ്സ് യൂണിയൻ ജനറൽ സെക്രട്ടറി ബൈജുകുമാർ തങ്കപ്പൻ തുടങ്ങിയവർ സംസാരിച്ചു.ജെ.പി.എച്ച്.എൻ.യൂ വൈസ് പ്രസിഡന്റ് ആശാലത.സി.എസ് സ്വാഗതവും സംസ്ഥാന സെക്രട്ടറി ബീന.ടി നന്ദിയും പറഞ്ഞു. സമരത്തിന്‌മേരിജോസഫ്, മിനിദേവൻ, സരസ്വതി.റ്റി.പി, ജയലക്ഷ്മി, ഷൈലബീവി, സന്ധ്യ.ബി.എ, നാൻസി, ദീപ.എൻ, സാവിത്രി.എം, പി.ഹരീന്ദ്രനാഥ്, ജെ.ശിവരാജൻ, എസ്.അജയകുമാർ, സതീഷ് കണ്ടല, പി.ശ്രീകുമാർ, എസ്.ആർ.രാഖേഷ് തുടങ്ങിയവർ നേതൃത്വം നൽകി.