കല്ലമ്പലം : നാവായിക്കുളം പഞ്ചായത്തിലെ മരുതിക്കുന്ന് ഉപതെരഞ്ഞെടുപ്പുമായി ബന്ധപ്പെട്ട് കെ റെയിലിന്റെ പേരിൽ കോൺഗ്രസ് വ്യാജ പ്രചരണം നടത്തുന്നതായും ഇത് വോട്ട് തട്ടാനാണെന്നും സി.പി.എം . കെ- റെയിൽ പദ്ധതിയുടെ അലൈൻമെന്റ് കടന്നുപോകുന്ന പ്രദേശമാണ് മരുതിക്കുന്ന് വാർഡ്. പ്രദേശത്തെ ഒരു മുസ്ലിം പള്ളിയും, ക്രിസ്ത്യൻ ദേവാലയവും പൊളിച്ചുനീക്കുമെന്നാണ് പ്രതിപക്ഷ നേതാവ് വി .ഡി .സതീശനും മറ്റ് യു.ഡി.എഫ് നേതാക്കളും പ്രചരിപ്പിച്ചത്. എന്നാൽ ,ഈ രണ്ട് പള്ളികളെയും കെ -റെയിൽ ലൈൻ ബാധിക്കുന്നില്ലെന്നും ,നാൽപത് മീറ്റർ ആഴത്തിലുള്ള തുരങ്കപാതയിലൂടെയാണ് ഇവിടെ കെ റെയിൽ കടന്നുപോകുന്നതെന്നും സി.പി.എം നേതാക്കൾ പൊതുയോഗത്തിൽ വെളിപ്പെടുത്തി. പൊതുയോ​ഗം സി.പി .എം നേതാവ് നാസർ കോളായി ഉദ്ഘാടനം ചെയ്തു. മുല്ലനെല്ലർ ശിവദാസൻ അദ്ധ്യക്ഷനായി. സി.പി.എം സംസ്ഥാന കമ്മിറ്റിയം​ഗം വി .ജോയി എം.എൽ.എ, ജില്ലാ സെക്രട്ടറിയറ്റം​ഗങ്ങളായ ബി .പി .മുരളി, ആർ .രാമു, ജില്ലാകമ്മിറ്റിയം​ഗം മടവൂർ അനിൽ, ഏരിയാ സെക്രട്ടറി തട്ടത്തുമല ജയചന്ദ്രൻ, ഇ .ജലാൽ തുടങ്ങിയവർ സംസാരിച്ചു, എസ് .സുധീർ സ്വാ​ഗതവും സ്ഥാനാർത്ഥി സവാദ് നന്ദിയും പറഞ്ഞു