വെള്ളറട: വെള്ളറട ഗ്രാമപഞ്ചായത്തിൽ പുതുതായി വാങ്ങിയ ആംബുലൻസ് ഇന്നലെ സർവീസ് തുടങ്ങി. ജില്ലാ പഞ്ചായത്ത് പ്രസിഡന്റ് അഡ്വ: ഡി. സുരേഷ് കുമാർ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എം.രാജ് മോഹൻ അദ്ധ്യക്ഷത വഹിച്ചു. ജില്ലാ ഡി.ഡി.പി ഷാജി ബോസ്സോ , ജില്ലാ പഞ്ചായത്ത് അംഗം അൻസജിതാ റസൽ, ബ്ളോക്ക് പഞ്ചായത്ത് അംഗം ആനി പ്രസാദ്, ഗ്രാമപഞ്ചായത്ത് വൈസ് പ്രസിഡന്റ് ദീപ്തി, വിവിധ കമ്മിറ്റി ചെയർമാന്മാരായ സി. അശോക് കുമാർ,​ കെ. ജി മംഗളദാസ്,​ എസ്. ജയന്തി,​ ഗ്രാമപഞ്ചായത്ത് അംഗം സി.ജ്ഞാനദാസ്,​ ഗ്രാമപഞ്ചായത്ത് സെക്രട്ടറി ആർ. എസ് അനിൽ കുമാർ തുടങ്ങിയവർ സംസാരിച്ചു. പഞ്ചായത്ത് ഫണ്ടിൽ നിന്നനുവദിച്ച 18 ലക്ഷം രൂപ ഉപയോഗിച്ച് വാങ്ങിയ ആംബുലൻസ് 50 ശതമാനം നിരക്കിലാണ് സർവീസ് നടത്തുന്നത്.