നെയ്യാറ്റിൻകര:മദ്ധ്യവേനലവധിക്കാലത്ത് സംസ്ഥാനത്തെ വിവിധ ജില്ലകളിലെ ടൂറിസം കേന്ദ്രങ്ങളിലേക്ക് കെ.എസ്.ആർ.ടി.സി ബഡ്ജറ്റ് ടൂറിസം സെൽ ആകർഷകങ്ങളായ ടൂർ പാക്കേജുകൾ നടത്തും.ഇതോടനുബന്ധിച്ച് നെയ്യാറ്റിൻകരയിൽ നിന്ന് കുമരകത്തേക്കുള്ള ഹൗസ് ബോട്ടിംഗ് ട്രിപ്പ് 12നും മൂന്നാറിലേക്കുള്ള ദ്വിദിന ട്രിപ്പ് 13, 14 തീയതികളിലും നടക്കും. വാഗമൺ ഏകദിന ട്രിപ്പ് 14, 15, 22, 29 തീയതികളിൽ നടക്കും.19ന് കൊച്ചിയിൽ എ.സി ബസിൽ യാത്രയും ആഡംബരക്കപ്പലിലെ സഞ്ചാരവും ഉൾപ്പെട്ട നെഫർറ്റിറ്റി യാത്രയും മൺറോ, സാമ്പ്രാണി യാത്ര 15, 22, 29 തീയതികളിലും നടക്കും. ജില്ലയിലെ പ്രധാന കേന്ദ്രങ്ങൾ ഉൾപ്പെടുത്തിയിട്ടുള്ള പൊന്മുടി,കാപ്പുകാട് പാക്കേജ് ട്രിപ്പ് 15, 22, 30 തീയതികളിൽ നടക്കും. യാത്രാവേളകളിൽ മികച്ച ഭക്ഷണക്രമീകരണവും ബസിനുള്ളിലെ ആകർഷക പശ്ചാത്തല സംഗീതവും ബഡ്ജറ്റ് ടൂറിസം യാത്രകളുടെ സവിശേഷതയാണ്.നെയ്യാറ്റിൻകരയിൽ നിന്നുള്ള യാത്രകളുടെ വിശദവിവരങ്ങൾക്കും ബുക്കിംഗിനും 98460 67232 എന്ന നമ്പരിൽ ബന്ധപ്പെടാവുന്നതാണ്.തുടർ ദിവസങ്ങളിൽ സഞ്ചാരികളുടെ ആവശ്യപ്രകാരം വയനാട്, തേക്കടി,ഗവി പാക്കേജുകളും ആരംഭിക്കുമെന്ന് നെയ്യാറ്റിൻകര എ.ടി.ഒ മുഹമ്മദ് ബഷീർ പറഞ്ഞു.