തിരുവനന്തപുരം: കേരള ഫോക്‌ലോർ അക്കാഡമിയുടെ ഉപകേന്ദ്രമായ വെള്ളാവൂർ ട്രാവൻകൂർ ഫോക് വില്ലേജിന്റെ നാടൻകലാപരിശീലനത്തിന്റെ സമയ ബന്ധിത പ്രൊജക്ടിലേക്ക് പടയണി അദ്ധ്യാപകരെ കരാറടിസ്ഥാനത്തിൽ നിയമിക്കും. പടയണി (തപ്പ്, കോലം, പാട്ട്) എന്നിവയിൽ ഫോക്‌ലോർ അക്കാഡമി അവാർഡ് ജേതാക്കൾ, നാട്ടാശാൻമാർ എന്നിവർക്ക് മുൻഗണന. ഗസറ്റഡ് ഓഫീസറുടെ നാട്ടാശാൻ സർട്ടിഫിക്കറ്റ് ഹാജരാക്കണം.
ആവശ്യമായ രേഖകൾ, വയസ് തെളിയിക്കുന്ന സർട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകർപ്പ് എന്നിവയും അപേക്ഷയും ബയോഡാറ്റയും സഹിതം മേയ് 18 നകം സെക്രട്ടറി, കേരള ഫോക്‌ലോർ അക്കാഡമി, ചിറക്കൽ, കണ്ണൂർ- 11 എന്ന വിലാസത്തിൽ ലഭിക്കണം. keralafolkloreacademy@gmail.com മെയിലിലേക്കും അയക്കാം.