ശാസ്താംകോട്ട: പാളത്തിന് സമീപത്തുകൂടി മൊബൈൽ ഫോണിൽ സംസാരിച്ച് നടക്കവേ യുവാവ് ട്രെയിൻ തട്ടി മരിച്ചു. പടിഞ്ഞാറെ കല്ലട വലിയപാടം തറയിൽ പുത്തൻ വീട്ടിൽ ഷൈജു ശശിയാണ് (27) മരിച്ചത്. കഴിഞ്ഞദിവസം ഉച്ചക്ക് 12.30 ഓടെ കാരാളിമുക്ക് തലയണക്കാവ് ക്ഷേത്രത്തിന് സമീപമാണ് അപകടം. ഷൈജു ക്ഷേത്രത്തിന് സമീപമുള്ള ബന്ധുവീട്ടിൽ പോയി തിരികെ വരുമ്പോഴാണ് അപകടത്തിൽപ്പെട്ടത്. ഫോണിൽ സംസാരിച്ച് നടക്കുമ്പോൾ രണ്ട് പാതയിലൂടെയും ഒരേ സമയം ട്രെയിൻ വരുകയും പിന്നിലൂടെ വന്ന ട്രെയിൻ ഷൈജുവിന്റെ തലയ്ക്ക് പിന്നിൽ തട്ടുകയുമായിരുന്നു. സംഭവ സ്ഥലത്തുതന്നെ മരിച്ചു. അമ്മ: ഷൈലജ സഹോദരി: അനു.