തിരുവനന്തപുരം: കണ്ണൂരിൽ നടന്ന സി.പി.എം പാർട്ടി കോൺഗ്രസ് സെമിനാറിൽ നേതൃത്വത്തെ ധിക്കരിച്ച് പങ്കെടുത്തിട്ടും പുറത്താകാതിരുന്ന പ്രൊഫ. കെ.വി. തോമസ് ഉപതിരഞ്ഞെടുപ്പ് ഘട്ടത്തിൽ സ്വയം രക്തസാക്ഷിയാകാനുറച്ചതോടെ പുറത്തേക്കുള്ള വഴി തുറന്നു. തൃക്കാക്കര പ്രശ്നത്തിൽ കോൺഗ്രസ് നേതൃത്വത്തിന് അദ്ദേഹത്തിനെതിരെ നടപടിയെടുക്കാതിരിക്കാനാവില്ല. എന്നാൽ, തോമസ് ഉയർത്തിയ വെല്ലുവിളികൾ തിരഞ്ഞെടുപ്പിൽ അടിയൊഴുക്കായി മാറാതിരിക്കാനുള്ള കരുതലോടെയാകും നേതൃത്വം നീങ്ങുക. പാർട്ടി കോൺഗ്രസ് സെമിനാറിൽ പങ്കെടുത്തപ്പോൾ തന്നെ തോമസ് കോൺഗ്രസുകാരനല്ലാതായിയെന്നും നേതാക്കളിപ്പോൾ പറയുന്നുണ്ട്.

തൃക്കാക്കരയിൽ ഇന്ന് മുഖ്യമന്ത്രി ഉദ്ഘാടനം ചെയ്യുന്ന ഇടതുമുന്നണി തിരഞ്ഞെടുപ്പ് കൺവെൻഷനിൽ പങ്കെടുക്കുമെന്നാണ് കെ.വി. തോമസിന്റെ പ്രഖ്യാപനം. പ്രചാരണം മൂർദ്ധന്യത്തിലായ വേളയിൽ തോമസ് നടത്തുന്ന നീക്കം പുറമേ ഗൗനിക്കുന്നില്ലെങ്കിലും അതുണ്ടാക്കാവുന്ന

കോട്ടത്തെ കോൺഗ്രസ് അപ്പാടെ അവഗണിക്കുന്നില്ല. രക്തസാക്ഷി പരിവേഷത്തോടെ കോൺഗ്രസ് വിടുക എന്നതാണ് തോമസിന്റെ തന്ത്രം. കണ്ണൂരിലെ സെമിനാറിൽ പങ്കെടുത്തിട്ടും പാർട്ടി നേതൃത്വം പുറത്താക്കാതിരുന്നപ്പോൾ പാളിപ്പോയ നീക്കമാണ് തൃക്കാക്കരയിൽ അദ്ദേഹം മൂർച്ചകൂട്ടിയെടുത്തത്. ദീർഘകാലം എം.പിയും എം.എൽ.എയും ഡി.സി.സി പ്രസിഡന്റുമൊക്കെയായിരുന്ന മുതിർന്ന നേതാവിന്റെ നീക്കം എറണാകുളം നഗരമദ്ധ്യത്തിലെ മണ്ഡലത്തിൽ ചലനമുണ്ടാക്കാതിരിക്കില്ലെന്ന് ചിന്തിക്കുന്നവരും കോൺഗ്രസിലുണ്ട്. ലത്തീൻസമുദായാംഗമാണ് തോമസ്. ആ സമുദായത്തെ തൃക്കാക്കരയിൽ പാടേ അവഗണിക്കാനാവില്ല. കൺവെൻഷനിൽ അവഗണനയുടെ 'കയ്പേറിയ അനുഭവങ്ങൾ' പങ്കുവച്ച് സാമുദായികവികാരം ഇളക്കിവിടാൻ അദ്ദേഹം ശ്രമിച്ചേക്കും.

അതിന്റെ ആഘാതം കുറയ്ക്കാനുള്ള ശ്രമം കോൺഗ്രസിൽ നിന്നുമുണ്ടാവും. തോമസിന്റെ ആരോപണങ്ങൾക്ക് മറുപടി പറയാതെ, അദ്ദേഹം നേടിയ പാർട്ടിപദവികളെക്കുറിച്ചും സ്ഥാനമോഹങ്ങളെക്കുറിച്ചുമെല്ലാം പ്രചാരണം നടത്താനാവും കോൺഗ്രസ് ശ്രമിക്കുക.

വിലക്ക് ലംഘിച്ച് പാർട്ടി കോൺഗ്രസ് സെമിനാറിൽ പങ്കെടുത്ത് രക്തസാക്ഷി പരിവേഷത്തോടെ പുറത്ത് പോകാനായിരുന്നു തോമസിന്റെ ആദ്യനീക്കം. തന്ത്രപൂർവ്വം ഇടപെട്ട ദേശീയനേതൃത്വം ആ നീക്കത്തിന് തടയിട്ടു. എ.ഐ.സി.സിയുടെ അച്ചടക്കസമിതി നിർദ്ദേശപ്രകാരം തിരഞ്ഞെടുക്കപ്പെട്ട പദവികളിൽ നിന്നെല്ലാം മാറ്റി എ.ഐ.സി.സി അംഗം മാത്രമായി തോമസിനെ നിലനിറുത്തി. ഇതോടെ പാർട്ടിക്കുള്ളിൽ കുറേക്കൂടി ഒതുക്കപ്പെട്ട തോമസാണ് തൃക്കാക്കര ഉപതിരഞ്ഞെടുപ്പ് പ്രഖ്യാപിച്ചപ്പോൾ മുതൽ വിമതഭീഷണിയുമായി രംഗത്തെത്തിയത്. തൃക്കാക്കരയിൽ എതിർസ്ഥാനാർത്ഥിയുടെ തിരഞ്ഞെടുപ്പ് കൺവെൻഷനിൽ കോൺഗ്രസ് അംഗമായി തുടർന്നുകൊണ്ട് പങ്കെടുത്താൽ പാർട്ടിക്ക് നടപടിയെടുക്കാതിരിക്കാനാവില്ലെന്ന് തോമസിനറിയാം.

 പ്ര​വാ​സി​ ​വോ​ട്ടു​കൾ ഉ​മ​യ്ക്കെ​ന്ന്

​പ്ര​വാ​സി​ക​ളെ​ ​വാ​ഗ്ദാ​ന​ങ്ങ​ൾ​ ​ന​ൽ​കി​ ​വ​ഞ്ചി​ച്ച​തി​നെ​തി​രാ​യ​ ​വി​ല​യി​രു​ത്ത​ൽ​ ​കൂ​ടി​യാ​കും​ ​തൃ​ക്കാ​ക്ക​ര​ ​ഉ​പ​തി​ര​ഞ്ഞെ​ടു​പ്പെ​ന്ന് ​ഒ.​ഐ.​സി.​സി,​ ​ഇ​ൻ​കാ​സ് ​ഗ്ലോ​ബ​ൽ​ ​ചെ​യ​ർ​മാ​ൻ​ ​കു​മ്പ​ള​ത്ത് ​ശ​ങ്ക​ര​പ്പി​ള്ള​ ​പ്ര​സ്താ​വി​ച്ചു.​ ​ഉ​പ​തി​ര​ഞ്ഞെ​ടു​പ്പി​ൽ​ ​പ്ര​വാ​സി​ക​ളു​ടെ​ ​വോ​ട്ടു​ക​ൾ​ ​യു.​ഡി.​എ​ഫ് ​സ്ഥാ​നാ​ർ​ത്ഥി​ ​ഉ​മ​ ​തോ​മ​സി​ന് ​ഉ​റ​പ്പാ​ക്കും.
മ​ണ്ഡ​ല​ത്തി​ൽ​ ​പ്ര​വാ​സി​വോ​ട്ടു​ക​ൾ​ക്ക് ​നി​ർ​ണ്ണാ​യ​ക​ ​സ്വാ​ധീ​ന​മു​ണ്ട്.​ ​വ​രും​ ​ദി​വ​സ​ങ്ങ​ളി​ൽ​ ​ഒ.​ഐ.​സി.​സി​യു​ടെ​ ​നേ​തൃ​ത്വ​ത്തി​ൽ​ ​മ​ണ്ഡ​ല​ത്തി​ൽ​ ​പ്ര​ചാ​ര​ണ​ ​പ്ര​വ​ർ​ത്ത​ന​ങ്ങ​ൾ​ ​ന​ട​ത്തും.​ ​കു​ടും​ബ​യോ​ഗ​ങ്ങ​ളും​ ​ന​വ​മാ​ദ്ധ്യ​മ​ങ്ങ​ൾ​ ​വ​ഴി​യു​ള്ള​ ​പ്ര​ചാ​ര​ണ​ ​പ​രി​പാ​ടി​ക​ളും​ ​ന​ട​ന്നു​ ​വ​രി​ക​യാ​ണെ​ന്ന് ​ശ​ങ്ക​ര​പ്പി​ള്ള​ ​പ​റ​ഞ്ഞു.

 തെ​ളി​ഞ്ഞ​ത് ​കോ​ൺ​ഗ്ര​സ്-​സി.​പി.​എം അ​ന്ത​ർ​ധാ​ര​:​ ​കെ.​ ​സു​രേ​ന്ദ്രൻ

കോ​ൺ​ഗ്ര​സ് ​ഹൈ​ക്ക​മാ​ൻ​ഡും​ ​സി.​പി.​എ​മ്മു​മാ​യു​ള്ള​ ​അ​ന്ത​ർ​ധാ​ര​യു​ടെ​ ​തെ​ളി​വാ​ണ് ​തൃ​ക്കാ​ക്ക​ര​യി​ലെ​ ​കെ.​വി.​ ​തോ​മ​സി​ന്റെ​ ​രം​ഗ​പ്ര​വേ​ശ​മെ​ന്ന് ​ബി.​ജെ.​പി​ ​സം​സ്ഥാ​ന​ ​പ്ര​സി​ഡ​ന്റ് ​കെ.​ ​സു​രേ​ന്ദ്ര​ൻ​ ​പ​റ​ഞ്ഞു.​ ​സി.​പി.​എ​മ്മു​മാ​യി​ ​വേ​ദി​പ​ങ്കി​ടു​ന്ന​തി​ന് ​എ.​കെ.​ ​ആ​ന്റ​ണി​ ​ഉ​ൾ​പ്പെ​ടെ​യു​ള്ള​ ​ഉ​ന്ന​ത​ ​നേ​താ​ക്ക​ൾ​ ​അ​നു​കൂ​ല​മാ​ണ്.​ ​അ​തി​നെ​തി​രെ​ ​ശ​ബ്ദി​ക്കാ​ൻ​ ​കേ​ര​ള​ത്തി​ലെ​ ​കോ​ൺ​ഗ്ര​സി​ന് ​ശേ​ഷി​യി​ല്ല.​ ​പാ​ർ​ട്ടി​യി​ൽ​ ​സ്വാ​ധീ​ന​മി​ല്ലാ​ത്ത​വ​രാ​ണ് ​കെ.​പി.​സി.​സി​ ​പ്ര​സി​ഡ​ന്റും​ ​പ്ര​തി​പ​ക്ഷ​നേ​താ​വും.​ ​ന​ട​പ​ടി​യെ​ടു​ക്കാ​ൻ​ ​അ​ധി​കാ​ര​മി​ല്ലാ​ത്ത​ ​അ​വ​ർ​ ​രാ​ജി​വ​യ്ക്ക​ണം.​ ​ഭീ​ക​ര​വാ​ദി​ക​ളെ​ ​താ​ലോ​ലി​ക്കു​ന്ന​ ​നി​ല​പാ​ടാ​ണ് ​ഇ​രു​മു​ന്ന​ണി​ക​ൾ​ക്കും.​ ​പ​ത്താം​ ​ക്ലാ​സു​കാ​രി​യെ​ ​മ​ത​പ​ണ്ഡി​ത​ൻ​ ​പ​ര​സ്യ​മാ​യി​ ​അ​ധി​ക്ഷേ​പി​ച്ചി​ട്ടും​ ​പൊ​തു​പ്ര​വ​ർ​ത്ത​ക​രോ​ ​രാ​ഷ്ട്രീ​യ​ക്കാ​രോ​ ​പ്ര​തി​ക​രി​ച്ചി​ല്ല.