തിരുവനന്തപുരം:ജില്ലാതല റവന്യൂ കലോത്സവത്തിൽ വിവിധ മത്സരങ്ങളിൽ വിജയിച്ച ഉദ്യോഗസ്ഥർക്കുള്ള പുരസ്‌കാരവിതരണം മന്ത്രി ആന്റണി രാജു നിർവഹിച്ചു. കായിക മത്സരങ്ങളിൽ മികച്ച പ്രകടനം നടത്തിയ വനിതാ ജീവനക്കാരെയും മത്സരങ്ങൾ വളരെ നല്ല രീതിയിൽ സംഘടിപ്പിച്ച റിക്രീയേഷൻ ടീമിനെയും
കളക്ടർ ഡോ.നവ്‌ജ്യോത് ഖോസ പ്രത്യേകം അഭിനന്ദിച്ചു.

25 കലാമത്സരങ്ങളിലും 13 കായിക ഇനങ്ങളിലുമായി 377 ജീവനക്കാരാണ് പങ്കെടുത്തത്.കളക്ടറേറ്റ് കോൺഫറൻസ് ഹാളിൽ നടന്ന പരിപാടിയിൽ സബ് കളക്ടർ എം.എസ്. മാധവിക്കുട്ടി, എ.ഡി.എം ഇ. മുഹമ്മദ് സഫീർ,ഡെപ്യൂട്ടി കളക്ടർമാർ, ജീവനക്കാർ തുടങ്ങിയവർ പങ്കെടുത്തു.