മുടപുരം: സ്കൂൾ പാചക തൊഴിലാളികളുടെ അദ്ധ്വാനഭാരം കുറയ്ക്കണമെന്ന് സ്കൂൾ പാചക തൊഴിലാളി യൂണിയൻ (സി.ഐ.ടി.യു ) ആറ്റിങ്ങൽ ഏരിയ കൺവെൻഷൻ ആവശ്യപ്പെട്ടു. സി.ഐ.ടി.യു ഏരിയ സെക്രട്ടറി അഞ്ചുതെങ്ങ് സുരേന്ദ്രൻ ഉദ്ഘാടനം ചെയ്തു. ലീലാമ്മ അദ്ധ്യക്ഷത വഹിച്ചു. യൂണിയൻ ജില്ലാ പ്രസിഡന്റ് ബി. ചന്ദ്രികയമ്മ സംഘടനാ റിപ്പോർട്ട് അവതരിപ്പിച്ചു. സി.ഐ.ടി.യു ഏരിയ കമ്മറ്റിയംഗം എം.മുരളി, സെൽവി എന്നിവർ സംസാരിച്ചു.നൂർജഹാൻ (പ്രസിഡന്റ്),വിമല.ടി (വൈസ് പ്രസിഡന്റ്),സെൽവി.എസ് (സെക്രട്ടറി),സിജു (ജോയിന്റ് സെക്രട്ടറി) എന്നിവർ ഭാരവാഹികളായി 16 അംഗ എക്സിക്യൂട്ടീവ് കമ്മറ്റിയെ തിരഞ്ഞെടുത്തു.