തിരുവനന്തപുരം: ഇന്റഗ്രി​റ്റി സർട്ടിഫിക്ക​റ്റ് അടക്കമുള്ള രേഖകൾ കൈമാറിയതോടെ എസ്.പി ടി. രാമചന്ദ്രന് കേന്ദ്രം ഐ.പി.എസ് പദവി നൽകി. 2018 ബാച്ചിൽ ഉൾപ്പെടുത്തി രാമചന്ദ്രന് കേന്ദ്രം ഐ.പി.എസ് പദവി അനുവദിച്ചു. അദ്ദേഹത്തെ സ്​റ്റേ​റ്റ് സ്‌പെഷ്യൽ ബ്രാഞ്ച് തിരുവനന്തപുരം റേഞ്ചിൽ എസ്‌.പിയായി നിയമിച്ചു. ഇതോടെ 2018 ബാച്ചിൽ 10 എസ്.പിമാർക്ക് ഐ.പി.എസ് പദവി ലഭിച്ചു. ഐ.പി.എസ് പട്ടികയുടെ സെലക്ട് ലിസ്​റ്റിൽ രാമചന്ദ്രൻ ഉൾപ്പെട്ടെങ്കിലും രേഖകൾ നൽകാൻ വൈകിയതിനാൽ അന്തിമ പട്ടികയിൽ ഉൾപ്പെട്ടില്ല. ഐ.പി.എസ് പദവി ലഭിക്കാൻ 2019 മുതലുള്ള 23 ഒഴിവുകൾ നിലവിലുണ്ട്.