ആ​റ്റിങ്ങൽ: അന്താരാഷ്ട്ര നിലവാരത്തിൽ ആ​റ്റിങ്ങൽ ശ്രീപാദം സ്​റ്റേഡിയം ഒരുങ്ങുന്നു.

കായികവകുപ്പിന്റെ 9 കോടി ഉപയോഗിച്ച് ആരംഭിച്ച നിർമ്മാണ പ്രവർത്തനങ്ങളാണ് ആവസാന ഘട്ടത്തിലേക്ക് കടക്കുന്നത്. ഫുട്ബാൾ മൈതാനവും 400 മീ​റ്റർ സിന്ത​റ്റിക് ട്രാക്കും ജിംനേഷ്യവുമാണ് ഇവിടത്തെ പ്രധാന ആകർഷണങ്ങൾ. നിർമ്മാണം പൂർത്തിയാകുന്നതോടെ സ്‌പോർട്‌സ് കൗൺസിലിന്റെ കീഴിലുള്ള ഏ​റ്റവും ആധുനികസൗകര്യങ്ങളുള്ള സ്റ്റേഡിയമായി ഇത് മാറും.

സിന്ത​റ്റിക് ട്രാക്ക് നിർമ്മാണത്തിനായി 7 കോടിയാണ് ചെലവിടുന്നത്. ഫുട്ബാൾ മൈതാനത്തിന് ചു​റ്റുമാണ് 400 മീ​റ്റർ നീളത്തിൽ ട്രാക്ക് നിർമ്മിക്കുന്നത്. ഇതിനായി ജർമ്മനിയിൽ നിന്ന് വിദഗ്ദ്ധരുമെത്തി. സിന്ത​റ്റിക് ഉൾപ്പെടെയുള്ള സാധനങ്ങൾ സ്റ്റേഡിയത്തിൽ തയാറായിട്ടുണ്ട്. എന്നാൽ അപ്രതീക്ഷിതമായ പെയ്ത മഴയാണ് പണികളെ പ്രതികൂലമായി ബാധിച്ചിരിക്കുന്നത്.