കിളിമാനൂർ:നഗരൂർ ജനമൈത്രി പൊലീസിന്റെ ആഭിമുഖ്യത്തിൽ നഗരൂർ ഗ്രാമ പഞ്ചായത്തിലെ 17 വാർഡിൽ നിന്നുമുള്ള സ്ത്രീകളെയും സ്റ്റുഡന്റ് പൊലീസ് കേഡറ്റ്‌സിനെയും ഉൾപ്പെടുത്തി നഗരൂർ ശ്രീ ശങ്കര വിദ്യാപീഠം സ്കൂളിൽ സ്ത്രീസുരക്ഷയ്ക്കായി സ്വയം പ്രതിരോധ പരിശീലന പരിപാടി സംഘടിപ്പിച്ചു . പരിശീലന പരിപടി നഗരൂർ പൊലീസ് സ്റ്റേഷൻ എസ്.എച്ച്.ഒ ഷിജു ഉദ്ഘാടനം ചെയ്തു.പഞ്ചായത്ത് പ്രസിഡന്റ് ഡി.സ്മിത അദ്ധ്യക്ഷത വഹിച്ചു.ശങ്കര വിദ്യാപീഠം സ്കൂൾ പ്രിൻസിപ്പൽ ലക്ഷ്മി സ്വാഗതം പറഞ്ഞു. റൂറൽ വനിത സെല്ലിലെ എസ്.സി.പി.ഒമാരായ ലേഖ,മല്ലികാദേവി,മിനി ,ഷൈനി എന്നിവർ ക്ലാസ് നയിച്ചു. വാർഡ് മെമ്പർ നിസാം നാലപ്പാട്ട് നന്ദിയും അറിയിച്ചു.