ബാലരാമപുരം: കോട്ടുകാൽക്കോണം മുത്താരമ്മൻകോവിൽ അമ്മൻകൊട മഹോത്സവത്തോടനുബന്ധിച്ച് ഘോഷയാത്രയും സമൂഹപൊങ്കാലയും ഇന്ന് നടക്കും.രാവിലെ 8.45 ന് സമൂഹപൊങ്കാല,​10.45 ന് പൊങ്കാലനിവേദ്യം,​11 ന് അന്നദാനം,​ ഉച്ചയ്ക്ക് 2ന് നടക്കുന്ന കുംഭം എഴുന്നെള്ളിപ്പ് ഘോഷയാത്ര കുത്തിയോട്ടം,​ താലപ്പൊലി,​ നെയ്യാണ്ടിമേളം,​ പഞ്ചവാദ്യം,​ ചെണ്ടമേളം,​ മുത്തുക്കുടകൾ,​ സഞ്ചരിക്കുന്ന റോഡ് ഡ്യൂപ്ഷോ,​ ശിങ്കാരിമേളം,​ നാസിക്ഡോർ,​ അശ്വാരൂഡൻ,​ നെറ്റിപട്ടം കെട്ടിയ ഗജവീരൻമാർ എന്നിവയുടെ അകമ്പടിയോടെ ചാവടിനട സി.പി. ബിൽഡിംഗിൽ നിന്നാരംഭിച്ച്,​മംഗലത്തുകോണം,​പനയറക്കുന്ന്,​കാവിൻപുറം,​ കോട്ടുകാൽക്കോണം,​താന്നിമൂട് തിരികെ കോഴോട് വഴി ക്ഷേത്രത്തിൽ സമാപിക്കും.ഘോഷയാത്ര കടന്നുപോകുന്ന കോഴോട് വട്ടവിള ജംഗ്ഷനിൽ കാരുണ്യ റസിഡന്റ്സ് വെൽഫെയർ അസോസിയേഷന്റെ ആഭിമുഖ്യത്തിൽ സായാഹ്നഭക്ഷണവിതരണവും നടക്കും.ഘോഷയാത്രയുടെ ക്രമീകരണങ്ങൾ പൂർത്തിയായെന്നും ഭക്തർക്ക് പൊങ്കാലയിടാൻ പ്രത്യേകസജ്ജീകരണങ്ങൾ ഏർപ്പെടുത്തിയിട്ടുണ്ടെന്ന് പ്രസിഡന്റ് പി.രാജേന്ദ്രൻ അറിയിച്ചു.