കടയ്ക്കാവൂർ :കടയ്ക്കാവൂർ ഗ്രാമപഞ്ചായത്തിലെ കുട്ടികൾക്കുള്ള ഗ്രാമസഭ എസ്.എസ്.പി.ബി.എച്ച്.എസ് സ്കൂളിൽ നടന്നു.പദ്ധതി വിഹിതത്തിൽ അഞ്ച് ശതമാനം തുകയാണ് കുട്ടികൾക്ക് വേണ്ടി മാറ്റിവെച്ചിരിക്കുന്നത്.തുക ഉപയോഗിച്ച് കുട്ടികളുടെ ശാരീരികവും മാനസികവുമായ പ്രശ്നങ്ങൾക്ക് പരിഹാരം കാണുകയാണ് ഗ്രാമപഞ്ചായത്തിന്റെ ലക്ഷ്യം.പഞ്ചായത്ത് പ്രസിഡന്റ് എസ്.ഷീല യോഗം ഉദ്ഘാടനം ചെയ്തു.പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സൺ ആർ.ഉദയാ അദ്ധ്യക്ഷത വഹിച്ചു.ആരോഗ്യ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ബീന രാജീവ് സ്വാഗതം പറഞ്ഞു.പഞ്ചായത്ത് വൈസ് പ്രസിഡന്റ് ആർ.പ്രകാശ്.ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എം.ഷിജു,വാർഡ് മെമ്പർമാരായ സന്തോഷ്,യമുന,ലല്ലുകൃഷ്ണൻ,സജികുമാർ, ജയന്തിസോമൻ,അഭിലാഷ്,ഗ്രാമപഞ്ചായത്ത് സെക്രട്ടറി രാജേഷ്,അസിസ്റ്റന്റ് സെക്രട്ടറി ബോബി,പ്ലാൻ കോർഡിനേറ്റർ അഫ്‌സൽ മുഹമ്മദ് എന്നിവർ സംസാരിച്ചു.ഗ്രാമസഭയിൽ പങ്കെടുത്തവർക്ക് ആയുർവേദ, ഹോമിയോ മെഡിക്കൽ ക്യാമ്പുകളും സംഘടിപ്പിച്ചു.