ആറ്റിങ്ങൽ:അവനവഞ്ചേരി പരവൂർക്കോണം ഗവൺമെന്റ് എൽ.പി.എസിൽ പുതിയതായി നിർമ്മിച്ച ഹൈടെക് മന്ദിര ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനായി നിർവഹിച്ചു.മന്ത്രി വി.ശിവൻകുട്ടി അദ്ധ്യക്ഷത വഹിച്ചു.80 ലക്ഷം രൂപ ചെലവിട്ട് അഞ്ച് ക്ലാസ് മുറികളും ആധുനിക സൗകര്യങ്ങളുമുള്ള കെട്ടിടമാണ് നിർമ്മിച്ചത്.

ആറ്റിങ്ങൽ നഗരസഭ ചെയർപേഴ്സൺ അഡ്വ.എസ്.കുമാരി ശിലാഫലകം അനാച്ഛാദനം ചെയ്തു. വൈസ് ചെയർമാൻ ജി. തുളസീധരൻ പിള്ള അദ്ധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാന്മാരായ അവനവഞ്ചേരി രാജു,​ എസ്. ഗിരിജ,​ എ.ഇ.ഒ വിജയകുമാരൻ നമ്പൂതിരി,​ വികസന സമിതി ചെയർമാൻ എസ്. ഭാസിരാജ്,​ ഹെഡ്മാസ്റ്റർ അജികുമാർ.ആർ,​ പി.ടി.എ പ്രസിഡന്റ് സൗമ്യ.എസ്. എന്നിവർ സംസാരിച്ചു.