വെള്ളനാട്:എഴുപത്തിയഞ്ചാം വാർഷികാഘോഷ ചടങ്ങുകളുടെ ഭാഗമായി ഭാരത സർക്കാർ നടപ്പിലാക്കുന്ന വിവിധ ജനക്ഷേമ പരിപാടികളെ സംബന്ധിച്ച് പ്രധാനമന്ത്രിയുടെ സംവാദം മിത്രനികേതൻ കൃഷി വിജ്ഞാബന കേന്ദ്രം തൽസമയം സംപ്രേക്ഷണത്തിലൂടെ ജില്ലയിലെ കർഷകരിലേക്ക് എത്തിച്ചു.മിത്രനികേതൻ കൃഷി വിജ്ഞാമന കേന്ദ്രത്തിൽ നടന്ന പ്രസ്തുത പരിപാടിയുടെ തത്സമയ സംപ്രേക്ഷണത്തിൽ ജില്ലയിലെ വിവിധ ഭാഗങ്ങളിൽനിന്നുള്ള നൂറുകണക്കിന് ഗുണഭോക്താക്കൾ പങ്കെടുത്തു.കെ.വി.കെയിൽ നടന്ന തൽസമയം സംപ്രേക്ഷണ പരിപാടിയുടെ ഉദ്ഘാടനം വെള്ളനാട് പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർ പേഴ്സൺ എസ്.അനിത നിർവഹിച്ചു.വാർഡ് മെമ്പർ എൽ.പി.മായാദേവി അദ്ധ്യക്ഷത വഹിച്ചു.ജി.ചിത്ര,സബ്ജക്ട് മാറ്റർ സ്പെഷ്യലിസ്റ്റ് വിഷയാവതരണം നടത്തി.