അമ്പലപ്പുഴ: മുൻ മന്ത്രി ജി.സുധാകരന്റെ എം.എൽ.എ ഫണ്ടിൽ നിന്ന് അനുവദിച്ച തുകയ്ക്ക് പുന്നപ്ര ഗവ.ജെ ബി സ്‌കൂൾ വിദ്യാർത്ഥികൾക്കായി വാങ്ങിയ സ്‌കൂൾ വാഹനത്തി​ന്റെ ഫ്ളാഗ് ഓഫ് എച്ച്.സലാം എം.എൽ.എ നി​ർവഹി​ച്ചു. 19സീറ്റുകളുള്ള വാഹനം 13.33 ലക്ഷം രൂപ ചി​ലവഴി​ച്ചാണ് വാങ്ങി​യത്. ബ്ലോക്ക് പഞ്ചായത്ത് പ്രസിഡന്റ് അഡ്വ.ഷീബാ രാകേഷ്, പുന്നപ്ര തെക്ക് പഞ്ചായത്ത് പ്രസിഡന്റ് പി.ജി.സൈറസ്, ബ്ലോക്ക് പഞ്ചായത്തംഗം സതി രമേശ്, പഞ്ചായത്തംഗങ്ങളായ എൻ.കെ.ബിജുമോൻ, എം.ഷീജ, സ്‌കൂൾ എച്ച് എം എം.എം.അഹമ്മദ് കബീർ, അദധ്യാപകർ, പി. ടി .എ ഭാരവാഹികൾ എന്നിവർ പങ്കെടുത്തു.