അടിമാലി : കൊച്ചി -ധനുഷ്‌കോടി ദേശീയ പാതയിൽ അടിമാലി അമ്പല പടിക്ക് സമീപം വാഹന അപകടത്തിൽ
എൽ ഐ സി ഓഫീസർ മരിച്ചു. അടിമാലി ബ്രാഞ്ച് ഡവലപ്‌മെന്റ് ഓഫിസർ ചേർത്തല മാരാരിക്കുളം പുത്തൻപുരയിൽ എസ്. ശുഭകുമാർ (53) ആണ് മരിച്ചത്. ഇദ്ദേഹം സഞ്ചരിച്ചിരുന്ന ബലോറ ജീപ്പ് നിയന്ത്രണം വിട്ട് നിർത്തിയിട്ടിരുന്ന ലോറിയിൽ ഇടിച്ചാണ് അപകടം. ഇന്നലെ രാത്രി 9 മണിയോടെ അടിമാലി ടൗണിൽ നിന്ന് ഈ സ്റ്റേൺ ഫാക്ടറിക്ക് സമീപമുള്ള താമസ സ്ഥലത്തേക്ക് പോകും വഴിയാണ് അപകടം ഉണ്ടായത്.
ഉടൻ തന്നെ അടിമാലി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മോർച്ചറിയിലേക്ക് മാറ്റി. . ഭാര്യ. ലത (അടിമാലി താലൂക്ക് ആശുപത്രി ലാബ് ടെക്‌നീഷൻ). മക്കൾ. ശ്രീശങ്കർ, ശ്രീലക്ഷ്മി.