ചേർത്തല: യുവാവിനെ പെൺകെണിയിൽ കുടുക്കിയ ഭാര്യയേയും,ഭർത്താവിനേയും മാരാരിക്കുളം പൊലീസ് അറസ്​റ്റ് ചെയ്തു. മാരാരിക്കുളം തെക്ക് പഞ്ചായത്ത് 3-ാം വാർഡിൽ ദേവസ്വം വെളി വീട്ടിൽ സുനീഷ് (31), ഭാര്യ സേതുലക്ഷ്മി (28)എന്നിവരെയാണ് തൊടുപുഴ സ്വദേശിയും പ്രവാസിയുമായ യുവാവി​നെ പെൺകെണിയിൽ കുടുക്കിയതിന് മാരാരിക്കുളം പൊലീസ് അറസ്​റ്റ് ചെയ്തത്. ഫേസ്ബുക്കിൽ പരിചയപ്പെട്ട യുവാവി​നെ സേതുലക്ഷ്മി സുനീഷിന്റെ ഒത്താശയോടെ കണിച്ചുകുളങ്ങരയിലെ വാടക വീട്ടിലേയ്ക്ക് വിളിച്ചു വരുത്തി. കിടപ്പു മുറിയിൽ കയ​റ്റിയ ശേഷം സേതുലക്ഷ്മിയുമായുളള ദൃശ്യങ്ങൾ ഫോണിൽ പകർത്തിയി​ട്ട് യുവാവി​നെ ഭീഷണിപ്പെടുത്തി എ.ടി.എം കാർഡ്, ആധാർകാർഡ്,ഡ്രൈവിംഗ് ലൈസൻസ് എന്നി​വ സുനീഷ് പി​ടി​ച്ചുവാങ്ങി​. തുടർന്ന് എ.ടി.എം കാർഡിന്റെ രഹസ്യ നമ്പർ വാങ്ങി അക്കൗണ്ടിൽ ഉണ്ടായിരുന്ന പണം എടുത്തു. പി​ന്നീടും ഭീഷണി​പ്പെടുത്തി​ പണം ആവശ്യപ്പെട്ടതിനെ തുടർന്നാണ് യുവാവ് മാരാരിക്കുളം പൊലീസിൽ പരാതി നൽകിയത്. സി​.ഐ എസ്.രാജേഷിന്റെ നേതൃത്വത്തിലുള്ള അന്വേഷണ സംഘമാണ് പ്രതികളെ അറസ്​റ്റ് ചെയ്ത്. പ്രതികൾ മുമ്പും ഇതുപോലെ മ​റ്റ് പലരേയും വലയിൽ കുടുക്കിയിട്ടുണ്ടെന്നു സൂചന ലഭിച്ചിട്ടുണ്ട്.