മാന്നാർ: ശ്രീസത്യസായി പ്രശാന്തിസേവയുടെ ആഭിമുഖ്യത്തിൽ വള്ളക്കാലി ചക്കിട്ടപാലത്തിനു സമീപം മൂന്നേത്ത് ഗൗരിശങ്കരം ഭവനത്തിൽ സൗജന്യ ഹോമിയോ മെഡിക്കൽ ക്യാമ്പും പഠനോപകരണ വിതരണവും നടത്തി. മെഡിക്കൽ ക്യാമ്പിന്റെ ഉദ്ഘാടനം മാന്നാർ ഗ്രാമപഞ്ചായത്ത് പ്രസിഡന്റ് ടി.വി രത്നകുമാരി നിർവഹിച്ചു. മാന്നാർ പൊലീസ് എസ്.എച്ച്.ഒ ജി.സുരേഷ് കുമാർ പഠനോപകരണ വിതരണം നിർവഹിച്ചു. വാർഡ് മെമ്പർ സുനിത എബ്രഹാം, പാവുക്കര എസ്.എൻ.ഡി.പി 553-ാം നമ്പർ ശാഖായോഗം പ്രസിഡന്റ് സതീശൻ, അഡ്വ.ആർ.വിജയകുമാർ, ടൈറ്റസ് കുര്യൻ, കാർത്തികേയൻ എന്നിവർ സംസാരിച്ചു. എം.ഡി സന്തോഷ്‌കുമാർ സ്വാഗതവും ഡോ.കെ.സോമൻ നന്ദിയും പറഞ്ഞു.