ചേർത്തല: വെട്ടക്കലിൽ സ്വകാര്യ വ്യക്തിയുടെ നിർമ്മാണം നടക്കുന്ന വീട്ടിൽ പ്ലംബിംഗ് ജോലിക്കിടെ പാരപ്പ​റ്റിൽ നിന്നും താഴേക്കു വീണ് റിട്ട.കെ.എസ്.ആർ.ടി.സി ഡ്രൈവർ മരിച്ചു.വയലാർ ഗ്രാമപഞ്ചായത്ത് 11 ാം വാർഡ് കളവംകോടം സി.എം.എസ് മുണ്ടാംവെളി മംഗളദാസ് (59)ആണ് മരിച്ചത്.ഇന്നലെ ഉച്ചക്ക് 1.30 യോടെയായിരുന്നു അപകടം. നിർമ്മാണത്തിലിരുന്ന സെപ്ടിക് ടാങ്കിലേക്കു വീണ് തലയ്ക്ക് ഗുരുതരമായി പരിക്കേ​റ്റ മംഗളദാസിനെ ചേർത്തല താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ഭാര്യ: കോമളം.മാതാവ്:പങ്കജാക്ഷി. മക്കൾ: മാധുരി,മഞ്ജുഷ.