ആലപ്പുഴ : എസ്.എൻ.ഡി.പി യോഗം ടി.കെ.മാധവൻ സ്മാരക മാവേലിക്കര യൂണിയൻ ആസ്ഥാനമന്ദിരത്തിന്റെ പുനരുദ്ധാരണ പ്രവർത്തനങ്ങളുടെ ഭാഗമായി പുതുതായി പണികഴിപ്പിച്ച ഗുരുമണ്ഡപത്തിന്റെ സമർപ്പണവും ടി.കെ.മാധവന്റെ അർദ്ധകായ പ്രതിമയുടെ അനാച്ഛാദനവും പുതിയതായി പണികഴിപ്പിച്ച പ്രാർത്ഥനാ ഹാളിന്റെയും നവീകരിച്ച ഓഫീസിന്റെയും ഉദ്ഘാടനവും ശ്രീനാരായണ ധർമ്മചര്യയജ്ഞവും ഇന്ന് മുതൽ 14 വരെ നടക്കും.

ഇന്ന് രാവിലെ 9ന് നവീകരിച്ച യൂണിയൻ ഓഫീസിന്റെയും പൊതുസമ്മേളനത്തിന്റെയും ഉദ്ഘാടനം യോഗം ജനറൽ സെക്രട്ടറി വെള്ളാപ്പള്ളി നടേശൻ നിർവ്വഹിക്കും. എസ്.എൻ ട്രസ്റ്റ് ബോർഡംഗം പ്രീതി നടേശൻ ഭദ്രദീപ പ്രകാശനവും ഗുരു മണ്ഡപ സമർപ്പണവും നിർവ്വഹിക്കും. മന്ത്രി സജി ചെറിയാൻ പ്രാർത്ഥനാഹാളിന്റെ ഉദ്ഘാടനവും കൊടിക്കുന്നിൽ സുരേഷ് എം.പി. ടി.കെ.മാധവന്റെ അർദ്ധകായ പ്രതിമയുടെ അനാച്ഛാദനവും നിർവ്വഹിക്കും.

യൂണിയൻ കൺവീനർ ഡോ.എ.വി.ആനന്ദരാജ് അദ്ധ്യക്ഷത വഹിക്കും. ജോയിന്റ് കൺവീനർ ഗോപൻ ആഞ്ഞിലിപ്ര സ്വാഗതം പറയും. സ്വാമി ശിവബോധാനന്ദ അനുഗ്രഹപ്രഭാഷണവും എം.എസ് അരുൺകുമാർ എം.എൽ.എ, മാവേലിക്കര ചെയർമാൻ കെ.വി.ശ്രീകുമാർ തുടങ്ങിയവർ മുഖ്യപ്രഭാഷണവും നടത്തും. ചെറുമകൻ എൻ. ഗംഗാധരൻ ടി.കെ മാധവനെ അനുസ്മരിക്കും. എസ്.എൻ.ഡി.പി യോഗം അസിസ്റ്റന്റ് സെക്രട്ടറി രവീന്ദ്രൻ എഴുമറ്റൂർ, എംപയർമാൾ എം.ഡി കെ രാധാകൃഷ്ണപിള്ള തുടങ്ങിയവർ മുഖ്യാതിഥികളാകും. കൺസ്യൂമർ ഫെഡ് ഡയറക്ടർ ബോർഡംഗം കെ. മധുസൂദനൻ, നൂറനാട് പഞ്ചായത്ത് സ്റ്റാന്റിംഗ് കമ്മറ്റി ചെയർമാൻ അഡ്വ.കെ.കെ.അനൂപ്, യൂണിയൻ അഡ്മിനിസ്ട്രേറ്റീവ് കമ്മറ്റിയംഗങ്ങളായ വിനു ധർമ്മരാജൻ, സുരേഷ് പള്ളിക്കൽ തുടങ്ങിയവർ സംസാരിക്കും. ജോയിന്റ് കൺവീനർ രാജൻ ഡ്രീംസ് നന്ദി പറയും. ഉച്ചയ്ക്ക് ശേഷം ശ്രീനാരായണ ധർമ്മചര്യയജ്ഞം അരംഭിക്കും.