ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിൽ എറണാകുളം മുക്തിഭവന്റെ നേതൃത്വത്തിൽ നടത്തുന്ന പ്രീമാര്യേജ് കൗൺസിലിംഗ് ക്ലാസുകൾ 18, 19 തീയതികളിൽ യൂണിയൻ ഷോപ്പിംഗ് കോപ്ലക്സിലെ സരസകവി മൂലൂർ സ്മാരക ഹാളിൽ നടക്കുമെന്ന് യൂണിയൻ കൺവീനർ അനിൽ.പി.ശ്രീരംഗം പറഞ്ഞു.18 ന് രാവിലെ 9.30 ന് ക്ലാസുകളുടെ ഉദ്ഘാടനം യൂണിയൻ ചെയർമാൻ അനിൽ അമ്പാടി നിർവ്വഹിക്കും. രാജേഷ് പൊന്മല, സരേഷ് പരമേശ്വരൻ, ഷൈലജാ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.ശരത് ചന്ദ്രൻ, ഡോ.അനൂപ് വൈക്കം എന്നിവർ രണ്ട് ദിവസങ്ങളിലായി നടക്കുന്ന ക്ലാസിന് നേതൃത്വം നൽകും. 19 ന് വൈകിട്ട് 4.30 ന് പഠിതാക്കൾക്കുള്ള സർട്ടിഫിക്കറ്റ് വിതരണം യൂണിയൻ കൺവീനർ അനിൽ.പി. ശ്രീരംഗം നിർവ്വഹിക്കും.