ആലപ്പുഴ: യുവതിയുവാക്കൾക്കു വേണ്ടി എറണാകുളം മുക്തിഭവന്റെ സഹകരണത്തോടെ ചെങ്ങന്നൂർ എസ്.എൻ.ഡി.പി യൂണിയന്റെ ആഭിമുഖ്യത്തിൽ നടത്തുന്ന വിവാഹപൂർവ്വ കൗൺസിലിംഗ് ക്ലാസ്സുകൾ നാളെയും മറ്റെന്നാളും യൂണിയൻ ഷോപ്പിംഗ് കോപ്ലക്സിലെ സരസകവി മൂലൂർ സ്മാരക ഹാളിൽ നടക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു. ക്ലാസുകളുടെ ഉദ്ഘാടനം യൂണിയൻ ചെയർമാൻ അനിൽ അമ്പാടി നാളെ രാവിലെ 9.30 ന് നിർവ്വഹിക്കും. ചടങ്ങിൽ യൂണിയൻ വൈസ് ചെയർമാൻ രാഖേഷ് പി.ആർ, യൂണിയൻ അഡ്.കമ്മറ്റി അംഗങ്ങളായ സരേഷ് എം.പി., കെ.ആർ.മോഹനൻ കൊഴുവല്ലൂർ, അനിൽ കണ്ണാടി എന്നിവർ സംസാരിക്കും. 19 ന് വൈകിട്ട് 5 ന് നടക്കുന്ന സമാപന സമ്മേളനത്തിൽ പഠിതാക്കൾക്കുള്ള സർട്ടിഫിക്കറ്റുകൾ യൂണിയൻ കൺവീനർ അനിൽ പി.ശ്രീരംഗം വിതരണം ചെയ്യും. ചടങ്ങിൽ യൂണിയൻ അഡ്.കമ്മറ്റി അംഗം കെ.ആർ.മോഹനൻ അദ്ധ്യക്ഷത വഹിക്കും. യൂണിയൻ അഡ്.കമ്മറ്റി അംഗം ബി.ജയപ്രകാശ് തൊട്ടാവാടി സ്വാഗതവും എസ്.ദേവരാജൻ നന്ദിയും പറയും.രണ്ട് ദിവസങ്ങളിലായി നടക്കുന്ന ക്ലാസിൽ രാജേഷ് പൊന്മല, സരേഷ് പരമേശ്വരൻ, ഷൈലജാ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ ക്ലാസുകൾ നയിക്കും.