മാവേലിക്കര: നഗരസഭ ആരാഗ്യ വിഭാഗത്തിന്റെ നേതൃത്വത്തിൽ നഗരത്തിന്റെ വിവിധ ഭാഗങ്ങളിൽ പ്രവർത്തിക്കുന്ന ഹോട്ടലുകൾ, റെസ്റ്റോറന്റുകൾ എന്നിവിടങ്ങളിൽ മിന്നൽ പരിശോധന നടത്തി. പഴകിയ ഭക്ഷണ സാധനങ്ങൾ പിടികൂടി. മാവേലിക്കര നഗരസഭ ആരോഗ്യ വിഭാഗം നടത്തിയ മിന്നൽ പരിശോധനയിലാണ് ഉപയോഗശൂന്യമായ ഭക്ഷണങ്ങൾ പിടിച്ചെടുത്തത്. ഹെൽത്ത്‌ സൂപ്പർവൈസർ പ്രമോദ്, ഹെൽത്ത്‌ ഇൻസ്‌പെക്ടർമാരായ സുനിൽ, അശ്വതി, സ്മിത ആരോഗ്യ വിഭാഗം തൊഴിലാളികൾ എന്നിവർ പരിശോധനകൾക്ക് നേതൃത്വം നൽകി.