ആലപ്പുഴ: കണിച്ചുകുളങ്ങര ദേവസ്വത്തിന്റെ ആഭിമുഖ്യത്തിൽ നടത്തിവരാറുള്ള പ്രതിമാസ ചതയദിന പ്രാർത്ഥന വിവിധ ചടങ്ങുകളോടെ നാളെ ഗുരുദേവ ക്ഷേത്ര സന്നിധിയിൽ നടക്കും. രാവിലെ 8ന് ഗുരുപുഷ്പാഞ്ജലി. 9ന് ദേവസ്വം സെക്രട്ടറി പി.കെ.ധനേശൻ പതാക ഉയർത്തും. 9.15 മുതൽ പ്രാർത്ഥനയും ഗുരുദേവ കൃതി ആലാപനവും. 11ന് ഗുരുദേവ പൂജ. തുടർന്ന് ബേബി പാപ്പാളിയുടെ നേതൃത്വത്തിൽ വിശേഷാൽ ദിവ്യനാമ സമൂഹാർച്ചന നടക്കും.