ആലപ്പുഴ: മുതുകുളം എസ്.എൻ.വി യു.പി സ്കൂൾ റിട്ട. ഹെഡ്മാസ്റ്ററും സ്കൂൾ മാനേജരുമായിരുന്ന മുതുകുളം വടക്ക് വാഴശേരി പുതുവൽ വീട്ടിൽ എം.ചെല്ലപ്പൻ (80) നിര്യതനായി. സംസ്കാരം ഇന്ന് ഉച്ചയ്ക്ക് 12.30ന് ചൂളത്തെരുവിലെ വീട്ടുവളപ്പിൽ. മുതുകളുത്തെ മുതിർന്ന കോൺഗ്രസ് നേതാവായ പരേതൻ അവിവാഹിതനാണ്. എസ്.എൻ.ഡി.പി യോഗം യൂണിയൻ കമ്മിറ്റി അംഗം, കെ.എ.പി.ടി യൂണിയൻ സംസ്ഥാന പ്രസിഡന്റ്, മുതുകുളം എസ്.സി.വി 731-ാംനമ്പർ സംഘം പ്രസിഡന്റ്, മുതുകുളം 164-ാം നമ്പർ കയർ വ്യവസായ സഹകരണസംഘം പ്രസിഡന്റ്, ജില്ലാ സഹകരണ ബാങ്ക് ഡയറക്ടർ ബോർഡ് മെമ്പർ, ഐ.എൻ.ടി.യു.സി താപനിലയം യൂണിറ്റ് പ്രസിഡന്റ്, താപനിലയം ഐ.ആർ.സി അംഗം, കെ.എസ്.എസ്.പി.എ സംസ്ഥാന എക്സിക്യൂട്ടീവ് അംഗം, ചൂളത്തെരുവ് ഗുരുകുല സമാജം ദീർഘകാലം പ്രസിഡന്റ്, മുതുകുളം ഹൈസ്ക്കൂൾ മാനേജ്മെന്റ് കമ്മിറ്റി അംഗം, നാളികേര ഉത്പാദക സംഘം പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്.