ചേർത്തല: സീനിയർ സി​റ്റിസൺ സംഘ് (ബി.എം.എസ്) ജില്ലാ കമ്മ​റ്റിയുടെ നേതൃത്വത്തിൽ 23ന് ചേർത്തല റെയിൽവേ സ്​റ്റേഷനിലേക്ക് മാർച്ചും ധർണയും നടത്തും. വയോജനങ്ങൾക്ക് കിട്ടികൊണ്ടിരിക്കുന്ന യാത്രാസൗജന്യം പുനസ്ഥാപിക്കുക,വയോജനങ്ങൾക്ക് 5000 രൂപ പെൻഷൻ അനുവദിക്കുക,പൂർണമായും സൗജന്യ ചികിത്സ ഉറപ്പാക്കുക,മരണാനന്തര ചടങ്ങുകൾക്കായി 10000 രൂപ അനുവദിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം. 23ന് രാവിലെ 11ന് നടക്കുന്ന സമരം സീനിയർ സി​റ്റിസൺ സംഘ് സംസ്ഥാന പ്രസിഡന്റ് എ.എൻ.പങ്കജാക്ഷൻ ഉദ്ഘാടനം ചെയ്യും. ജില്ലാ പ്രസിഡന്റ് പി.ബി.പുരഷോത്തമൻ അദ്ധ്യക്ഷത വഹിക്കും. സംസ്ഥാന സെക്രട്ടറി എൻ.ചന്ദ്രൻ നെടുമ്പ്രക്കാട്, മേഖലാ സെക്രട്ടറി ജി.കൃഷ്ണപ്രസാദ്,പ്രസിഡന്റ് എം.ഡി ശശികുമാർ, വി.എം ലെനിൻ, കെ.കെ പുരുഷൻ എന്നിവർ സംസാരിക്കും.