ചേർത്തല:പട്ടണക്കാട് പഞ്ചായത്ത് പത്താം വാർഡ് അംഗം സിന്ധു ഉമാതറയുടെ വീട്ടിൽ കയറി സി.പി.ഐ ഗുണ്ടകൾ അസഭ്യം പറയുകയും കൊല്ലുമെന്ന് ഭീഷിണിപ്പെടുത്തുകയും ചെയ്തതിൽ പ്രതിഷേധിച്ച് കോൺഗ്രസ് പട്ടണക്കാട് മണ്ഡലം കമ്മ​റ്റിയുടെ നേതൃത്വത്തിൽ പ്രതിഷേധ പ്രകടനവും സമ്മേളനവും നടത്തി. ഡി.സി.സി ജനറൽ സെക്രട്ടറി ടി.എച്ച്. സലാം ഉദ്ഘാടനം ചെയ്തു.ബ്ലോക്ക് കോൺഗ്രസ് പ്രസിഡന്റ് വി.എൻ. അജയൻ,പി. എം. രാജേന്ദ്രബാബു,എം.കെ. ജയപാൽ,ശിവൻകുട്ടി,ജോമോൻ മൊഴികാട്,സുനിൽ,ശശികുട്ടൻ, ടി.എസ്. ജാസ്മിൻ,സന്തോഷ് പുല്ലാട്ട്, വിഷ്ണു കുട്ടപ്പൻ, സജീവൻ ചെട്ടിയാർ എന്നിവർ സംസാരിച്ചു.