ഹരിപ്പാട്: ലയൺസ് ക്ലബ്ബ് ഭാരവാഹികൾ ചുമതലയേറ്റെടുത്തു. വിമല അശോകപണിക്കർ (പ്രസിഡന്റ്), എസ്.എസ്. ആശാലത (സെക്രട്ടറി), പി. ഇന്ദിരാദേവി നായർ (അഡ്മിനിസ്‌ട്രേറ്റർ), സൂസൻ കോശി (ഖജാൻജി) എന്നിവരാണ് പുതുതായി ചുമതലയേറ്റത്. ഫസ്റ്റ് ഡിസ്ട്രിക്ട് വൈസ് പ്രസിഡന്റ് ബി. അജയ്യ കുമാർ പുതിയ ഭാരവാഹികൾക്ക് ചുമതല കൈമാറി. ആർ. ഹരീഷ് ബാബു ക്ലബ്ബിന്റെ ഡയറക്ടറി പ്രകാശനം ചെയ്തു. ലയൺസ് ക്ലബിന്റെ വിവിധ സേവന പ്രവർത്തനങ്ങളുടെ ഉദ്ഘാടനം ചടങ്ങിൽ നടന്നു. പ്രമേഹ നിർണയ ക്യാമ്പുകളുടെ ഉദ്ഘാടനം റീജെണൽ ചെയർപേഴ്‌സൺ ആർ.കെ. പ്രകാശ് ഉദ്ഘാടനം ചെയ്തു. സി.സുഭാഷ് എന്റെ കൗമുദി പദ്ധതി ഉദ്ഘാടനം ചെയ്തു. പാട്രിക് ജോസ്, പ്രീതി മിഥുൻ, പി.സി. അനിൽ കുമാർ, കെ. അശോകപ്പണിക്കർ എന്നിവർ സ്‌കൂളുകളിലേക്കുള്ള പദ്ധതികളുടെ ഉദ്ഘാടനം നിർവഹിച്ചു. ബി.എ. മലയാളം പരീക്ഷയിൽ ഒന്നാം റാങ്ക് നേടിയ ആർ. ആതിരയെ ചടങ്ങിൽ ആദരിച്ചു. തുടർന്ന് വിവിധ കലാപരിപാടികൾ നടന്നു.