ചേർത്തല :കണ്ടമംഗലം ആറാട്ടുകുളം ശക്തി വിനായക ക്ഷേത്രം ശ്രീകോവിൽ പ്രതിഷ്ഠയും ത്രി ശക്തി സമീക്ഷാ സത്രത്തിന്റെയും ഭാഗമായുള്ള വിഗ്രഹ ഘോഷയാത്ര ജുലായ് ഒന്നിന് പഴനി സുബ്രഹ്മണ്യ ക്ഷേത്രത്തിൽ നിന്നും ആരംഭിക്കും.
ക്ഷേത്ര അടിവാരത്തെ പാദ ഗണപതി ക്ഷേത്ര സന്നിധിയിൽ നിന്നും രാവിലെ 8 ന് പ്രത്യേകം അലങ്കരിച്ച രഥത്തിൽ നിരവധി വാഹനങ്ങളുടെ അകമ്പടിയോടെ വിഗ്രഹ ഘോഷയാത്ര പ്രയാണം തുടങ്ങും.പഴനി ക്ഷേത്രം തന്ത്റി അമൃത ലിംഗ അയ്യർ ദീപ പ്രകാശനം നടത്തും. പഴനി എം.എൽ.എ ശെന്തിൽ കുമാർ ഉദ്ഘാടനം ചെയ്യും. ദിലീപ് പൊള്ളാച്ചി,കൊച്ചനിയൻ ചോ​റ്റാനിക്കര എന്നിവർ മുഖ്യപ്രഭാഷണം നടത്തും. ഉടുമ്പൻ പേട്ട,പൊള്ളാച്ചി, ഗോവിന്ദപുരം,പാലക്കാട്,തൃശൂർ എന്നിവിടങ്ങളിലെ ക്ഷേത്രങ്ങളിൽ വരവേൽപ്പിന് ശേഷം പള്ളൂരുത്തി ഭവാനിശ്വര ക്ഷേത്രത്തിൽ ആദ്യ ദിനത്തിലെ ഘോഷയാത്ര സമാപിക്കും.
2 ന് രാവിലെ അവിടെ നിന്നും 8 ന് ആരംഭിക്കുന്ന രഥഘോഷയാത്ര വിവിധ ക്ഷേത്രങ്ങളിലെ സ്വീകരണങ്ങൾ ഏ​റ്റുവാങ്ങി 3 ന് രാത്രി കണ്ടമംഗലം ക്ഷേത്രത്തിൽ സമാപിക്കും. ജുലായ് 5 മുതൽ 14 വരെയാണ് ശ്രീകോവിൽ പ്രതീഷ്ഠാ ചടങ്ങുകൾ നടക്കുക. ഇതിന്റെ ഭാഗമായി അഡ്വ.ടി.ആർ. രാമനാഥൻ,പള്ളിക്കൽ സുനിൽ,വിമൽ വിജയ് എന്നിവർ ആചാര്യൻമാരായി ത്രിശക്തി സമീക്ഷാ സത്രവും നടക്കും.