കൊച്ചി: കേരള സർക്കിളിന്റെ മദ്ധ്യമേഖലാ പ്രാദേശിക തപാൽ അദാലത്ത് 22ന് ഗാന്ധിനഗർ മാവേലി റോഡിലെ മദ്ധ്യമേഖലാ പോസ്റ്റ്മാസ്റ്റർ ജനറൽ ഓഫീസിൽ ഗൂഗിൾ മീറ്റ് വഴി ഓൺലൈനായി നടത്തും. മാവേലിക്കര, ആലപ്പുഴ, ചങ്ങനാശേരി, കോട്ടയം, ഇടുക്കി, ആലുവ, എറണാകുളം, ഇരിങ്ങാലക്കുട, തൃശൂർ, ലക്ഷദ്വീപ് ഡിവിഷനുകളിലെ പോസ്റ്റ് ഓഫീസുകൾ സംബന്ധിച്ച പരാതികൾ പരിഗണിക്കും. adpdgcr.keralapost@gmail.com, pmgcrkeralapost@gmail.com എന്നീ മെയിലുകളിലോ അല്ലെങ്കിൽ എം.പി. രമേശ്, അസിസ്റ്റന്റ് ഡയറക്ടർ (പബ്ലിക് ഗ്രീവൻസസ്), ഓഫിസ് ഒഫ് ദ് പോസ്റ്റ്മാസ്റ്റർ ജനറൽ, സെൻട്രൽ റീജിയൺ, കൊച്ചി 682020 എന്ന വിലാസത്തിലോ 12 നകം അയക്കണം.