പെരുമ്പാവൂർ: എന്റെ സംരംഭം എന്റെ അഭിമാനം കാമ്പെയ്‌നിന്റെ ഭാഗമായി രായമംഗലം പഞ്ചായത്തിൽ സംരംഭങ്ങൾക്ക് തത്സമയം ലൈസൻസ് നൽകൽ ക്യാമ്പ് സംഘടിപ്പിച്ചു. ആദ്യ ദിവസം നൂറിലധികം അപേക്ഷകൾ സ്വീകരിച്ച് ലൈസൻസുകൾ വിതരണം ചെയ്തു.

വരും ദിവസങ്ങളിൽ വിവിധ മേഖലകളിൽ നടത്താൻ തീരുമാനിച്ചിരിക്കുന്ന കാമ്പെയ്ന്റെ ഉദ്ഘാടനം കുറുപ്പംപടി മർച്ചന്റ് സ് അസോസിയേഷന്റെ സഹകരണത്തോടെ നടന്നു. പഞ്ചായത്ത് പ്രസിഡന്റ് എൻ.പി. അജയകുമാർ ഉദ്ഘാടനം നിർവഹിച്ചു. മർച്ചന്റ്‌സ് അസോസിയേഷൻ പ്രസിഡന്റ് ബേബി കിളിയായത്ത് അദ്ധ്യക്ഷത വഹിച്ചു. വാർഡ് അംഗം സജി പടയാട്ടി, പഞ്ചായത്ത് സെക്രട്ടറി ബി.സുധീർ, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ബിജു കുര്യാക്കോസ്, അംഗം കുര്യൻ പോൾ, മർച്ചന്റ്‌സ് അസോസിയേഷൻ സെക്രട്ടറി സാജു എന്നിവർ സംസാരിച്ചു. കുറുപ്പംപടി ടൗണിൽ ഉള്ളവർക്കായി ഇന്ന് ക്യാമ്പ് നടത്തുന്നുണ്ട്.