മൂവാറ്റുപുഴ: ദേശീയ പഞ്ചഗുസ്തി മത്സരത്തിൽമൂവാറ്റുപുഴ എസ്.എൻ.ഡി.പി ഹയർ സെക്കൻഡറി സ്ക്കൂളിലെ വിദ്യാർത്ഥി ആർദ്ര സുരേഷിന് ഇരട്ട വിജയം. ഹൈദരാബാദിൽ നടന്ന ചാമ്പ്യൻഷിപ്പിൽ ആർദ്ര രണ്ട് വീതം സ്വർണ്ണവും വെള്ളിയും സ്വന്തമാക്കി.
ജൂനിയർ 45 കിലോഗ്രാം വിഭാഗത്തിൽ ( ഇടത് വലത് കൈ ) ​ രണ്ട് സ്വർണ്ണവും സീനിയർ 50 കിലോ വിഭാഗത്തിൽ (ഇടത് വലത് കൈ)​ രണ്ട് വെള്ളിയുമാണ് ആർദ്ര കരസ്ഥമാക്കിയത്. പ്ലസ് വൺ വിദ്യാർത്ഥിയായ ആർദ്ര ദേശീയ പഞ്ചഗുസ്തി താരങ്ങളായ സുരേഷ് മാധവന്റേയും റീജ സുരേഷിന്റേയും മകളാണ്. തുർക്കിയിൽ ഒക്ടോബർ 14മുതൽ 24 വരെ നടക്കുന്ന അന്താരാഷ്ട്ര പഞ്ചഗുസ്തി മത്സരത്തിൽ പങ്കെടുക്കുന്നതിനുള്ള യോഗ്യതയും ആർദ്ര സുരേഷ് നേടിയിട്ടുണ്ട്.