പെരുമ്പാവൂർ: പോഞ്ഞാശ്ശേരി വെങ്ങോല കിഴക്കൻ വീട്ടിൽ റിൻഷാദ് (29), പോഞ്ഞാശ്ശേരി കലോത്ര ജിൻഷാദ് (22), വെങ്ങോല കൊപ്പറമ്പിൽ അൻഷാദ് (22), വെങ്ങോല അറക്കൽ സുനീർ (27) എന്നിവരെ കഞ്ചാവുമായി പെരുമ്പാവൂർ പൊലീസ് പിടികൂടി. രാത്രി വെങ്ങോല പുളിയാമ്പിള്ളി ഭാഗത്ത് സംശയാസ്പദമായ രീതിയിൽ കാറും സ്‌കൂട്ടറും നിറുത്തിയിട്ടിരിക്കുന്നതു കണ്ട് പരിശോധിച്ചപ്പോഴാണ് 145 ഗ്രാം കഞ്ചാവ് കണ്ടെത്തിയത്. ഇൻസ്പെക്ടർ ആർ. രഞ്ജിത്ത്, എസ്.ഐമാരായ റിൻസ് എം തോമസ്, ജോസി എം ജോൺസൻ, എ.എസ്.ഐ. എൻ.കെ. ബിജു, എസ്.സി.പി.ഒ ജമാൽ, സി.പി.ഒ. ജിഞ്ചു കെ. മത്തായി എന്നിവരാണ് അന്വേഷണ സംഘത്തിലുണ്ടായിരുന്നത്.