തൃക്കാക്കര: സംസ്ഥാന സർക്കാർ നടപ്പിലാക്കുന്ന ഫയൽ അദാലത്തിന്റെ ഭാഗമായി റവന്യൂ വകുപ്പിലെ ഫയലുകൾ തീർപ്പാക്കുന്നതിനായി സമഗ്രമായ കർമ്മപദ്ധതി തയ്യാറാക്കി. റവന്യൂ, സർവേ, ഭവന നിർമ്മാണ വകുപ്പുകളിലെ ഉന്നത ഉദ്യോഗസ്ഥർ, ജില്ലാ കളക്ടർമാർ, തഹസിൽദാർമാർ എന്നിവരുമായി റവന്യൂ മന്ത്രി നടത്തിയ യോഗത്തിന്റെ അടിസ്ഥാനത്തിലാണ് കർമ്മ പദ്ധതിക്ക് അന്തിമ രൂപം നൽകിയത്.
റവന്യൂ ഫയൽ അദാലത്തിന്റെ ജില്ലാതല ഉദ്ഘാടനം ജൂലായ് ഒന്നിന് റവന്യൂ മന്ത്രി എറണാകുളം ജില്ലയിൽ ഉദ്ഘാടനം ചെയ്യും. ഭൂമി തരംമാറ്റവുമായി ബന്ധപ്പെട്ട അപേക്ഷകളും പട്ടയം,സർട്ടിഫിക്കറ്റുകൾ എന്നിവയ്ക്കുള്ള അപേക്ഷകളും പരമാവധി തീർപ്പാക്കുന്ന വിധത്തിൽ പൊതു മാനദണ്ഡം തയ്യാറാക്കും.