നെടുമ്പാശേരി: ചെങ്ങമനാട് സഹകരണ ബാങ്കിന്റെ ഗ്രീൻ ചെങ്ങമനാട് പദ്ധതിയുടെ ഭാഗമായി പുറയാർ ചാന്തേലിപ്പാടം കാർഷിക ഗ്രൂപ്പ് നടത്തിയ നാലാം ഘട്ട നെൽക്കൃഷിയുടെ കൊയ്ത്തുത്സവം ബാങ്ക് പ്രസിഡന്റ് പി.ജെ. അനിൽ ഉദ്ഘാടനം ചെയ്തു. വാർഡ് അംഗം നൗഷാദ് പാറപ്പുറം, കൃഷി ഓഫീസർ മുംതാസ്, സുഷമ, ബാങ്ക് ഭരണസമിതി അംഗങ്ങളായ എം.കെ. പ്രകാശൻ, സി.വി. ബിനീഷ്, കർഷകരായ മിനി ശശികുമാർ, എൻ. ശ്രീജിത് തുടങ്ങിയവർ പങ്കെടുത്തു. 15 ഏക്കർ സ്ഥലത്ത് ഉമ എന്ന വിത്തിനമാണ് കൃഷി ചെയ്തത്.