കൊച്ചി: ഉറക്ക സംബന്ധമായ ആരോഗ്യ പ്രശ്‌നങ്ങളിലെ നൂതന ചികിത്സാ രീതികൾ ചർച്ചചെയ്യാൻ ശ്വാസകോശ രോഗ വിദഗ്ദ്ധർക്കായി കൊച്ചി വി.പി.എസ് ലേക്ഷോർ ആശുപത്രിയിൽ കോംപ്രിഹെൻസീവ് സ്ലീപ് മെഡിസിൻ അപ്‌ഡേറ്റ് സെമിനാർ 'സ്ലീപ് കോൺ 2022' സംഘടിപ്പിച്ചു. കൂർക്കംവലി, സ്ലീപ് അപ്നിയ, ഉറക്കമില്ലായ്മ തുടങ്ങി ഉറക്കവുമായി ബന്ധപ്പെട്ട അസുഖങ്ങളുടെ നൂതന ചികിത്സാരീതികളും ഗവേഷണ ചർച്ചകളും ഉൾപ്പെട്ട സമ്മേളനം വി.പി.എസ് ലേക്ഷോർ ആശുപത്രി പൾമനോളജി വിഭാഗവും കൊച്ചിൻ തൊറാസിക് സൊസൈറ്റിയും സംയുക്തമായാണ് സംഘടിപ്പിച്ചത്. ആശുപത്രി സി.ഇ.ഒ എസ്.കെ. അബ്ദുള്ള ഉദ്ഘാടനം ചെയ്തു. ഡോ. എച്ച്. രമേഷ്, ഡോ. മോഹൻ മാത്യു, ഡോ. പി. ഹരിലക്ഷ്മണൻ, ഡോ. മുജീബ് റഹ്മാൻ എന്നിവർ സംസാരിച്ചു. പൾമണോളജിസ്റ്റുമാരായ പ്രൊഫ ജെ.സി. സൂരി (ഫോർട്ടിസ്, ന്യൂ ഡൽഹി), ഡോ. സൗരഭ് മിത്തൽ (എ.ഐ.ഐ.എം.എസ്, ഡൽഹി), ഡോ. സൗരിൻ ഭുനിയ (എ.ഐ.ഐ.എം.എസ് ഭുവനേശ്വർ), ഡോ. ആശാലത രാധാകൃഷ്ണൻ (ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഒഫ് മെഡിക്കൽ സയൻസസ്, തിരുവനന്തപുരം), ഡോ. സപ്ന ഈരാറ്റു ശ്രീധരൻ (ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഒഫ് മെഡിക്കൽ സയൻസസ്, തിരുവനന്തപുരം) തുടങ്ങിയവർ വിഷയാവതരണം നടത്തി.