മ‌രട്: ഉദയത്തുംവാതിൽ 6319 -ാം നമ്പർ എസ്.എൻ.ഡി.പി ശാഖയിലെ ടി.കെ. മാധവൻ സ്മാരക കുടുംബയൂണിറ്റിന്റെ പ്രതിമാസ കുടുംബ പ്രാർത്ഥനാ യോഗം പണ്ടാരകോലു വീട്ടിൽ രവീന്ദ്രന്റെ വസതിയിൽ ചേർന്നു. ടി.വി. ശശിയുടെ മുഖ്യകാർമ്മികത്വത്തിൽ രമണി രവീന്ദ്രൻ നിലവിളക്ക് കൊളുത്തി സ്വാഗതം ആശംസിച്ചു. ശാഖാ വൈസ് പ്രസിഡന്റ് കെ.പി. പ്രസന്നൻ അദ്ധ്യക്ഷത വഹിച്ചു. യൂണിറ്റ് കൺവീനർ കെ.ആർ. രതീഷ് റിപ്പോർട്ട് അവതരിപ്പിച്ചു, ശാഖാ സെക്രട്ടറി ടി.കെ. ബാബു ആശംസ നേർന്നു. യൂണിറ്റ് ജോയിന്റ് കൺവീനർ സിജിൻ മോഹൻ നന്ദി പറഞ്ഞു.