കൊച്ചി: നെറ്റ്‌വർക്ക് മാർക്കറ്റിംഗിലൂടെ പലരുടെ പക്കൽനിന്ന് കോടി​കൾ തട്ടി​ച്ചവർക്കെതി​രെ പൊലീസ് നടപടി​യെടുക്കുന്നി​ല്ലെന്ന് പരാതി. ഏറ്റുമാനൂർ കേന്ദ്രീകരി​ച്ച് അഭിഭാഷകനുൾപ്പെടെ അഞ്ചുപേർ നടത്തുന്ന സ്ഥാപനത്തിന്റെ മറവിലായി​രുന്നു തട്ടി​പ്പ്. 49പേരി​ൽനി​ന്ന് 1.68 കോടി​ കബളി​പ്പി​ച്ചു.

പ്രധാന പ്രതികളെ പൊലീസ് പിടികൂടിയെങ്കിലും പിന്നീട് വിട്ടയച്ചു. കമ്പനിയുടെ മാനേജിംഗ് ഡയറക്ടറായ മലാക്ക സ്വദേശി 15 തട്ടിപ്പുകേസുകളിലും അഭിഭാഷകൻ വിവിധ തട്ടിപ്പുകേസുകളിലും പ്രതികളാണെന്ന് പരാതി​ക്കാർ പറഞ്ഞു. നിക്ഷേപത്തുക ഇരട്ടിയാക്കുമെന്നായി​രുന്നു വാഗ്ദാനം. പൊലീസ് ഇക്കാര്യത്തി​ൽ ഒളി​ച്ചുകളി​ക്കുകയാണെന്നും ഇരകളായ ജയകുമാർ, ജയബാബു, ഷേർളി, സുജ എന്നിവർ വാർത്താസമ്മേളനത്തിൽ പറഞ്ഞു.